我覺得做人真係好辛苦

出黎做野自由度真係好細
除非係藝術工作
同埋做多錯多講多錯多
所以為求自保 真係踢一腳郁一郁

樓主做邊行阿？

之前做緊兩份PT，一份戲院、一份主題公園
新年果時因為肺炎，兩份工同時雞左我
而家做緊CS，招待下d睇樓既客

疫情之下都真係搞唔掂
行行都cut pt....

睇樓嘅CS係最近搵嘅part time？
係咪要sell完人先有得分？

係俾人炒之後朋友介紹既
邊有得分
純粹當你helper咁招呼客人咋

以前唔識野 中意周圍識同事做fd
結果中招 俾人陰左背後插一刀
而家出黎社會好多都雙面人黎
信唔過 唔好講自己野同人地是非就得

真係咁 由細到大都On99咁 做咩都要人吔汁尾
番新工人吔見我ON99 又係新仔就會：唔緊要啦咁
做耐左自己都係會犯錯 無論幾努力幾小心都係咁

就算幾努力做一件事 最後失敗都會令全世界失望
慢慢咁連朋友都頂唔住我咁既性格 覺得我Hea佢吔

就算同人講都冇人會明 因為自己低智商成日做錯事既感覺

有時寧願自己一個 唔洗感受人吔卑自己既壓力
成日因為自己符合唔到人吔既期望而疲於奔命

諸事不順皆因不孝，諸事不順皆因犯邪淫

只要犯以上兩種，你既運氣，人生，福報就會不斷下降，這是千真萬確既事實
想要人生變得更好，第一孝順，第二戒邪淫，（包括打丁，叫雞，一夜情等等），第三行善積德
只要照住上面３樣去做好一年，你會慢慢發覺自己既人生越黎越好。

可睇秦東魁老師講既ＹＯＵＴＵＢＥ視頻
https://www.youtube.com/channel/UCGbqgMSR8XSVQ5GZJRgNcMA

而加個市咁差
一個月可以番到幾多日阿？

看來你心中盛載著的痛苦，已令你覺得生無可戀。人生之中往往有很多重要的決定，而自殺肯定是人一生中最矛盾、最痛苦，也是最重大的決定。我相信，自殺不是你想選擇的，更不是你唯一的選擇，只不過你所面對的困境和痛苦好像超越了你所能應付的，是嗎？

無論你將會如何打算你的前路，我也希望你不要將困擾藏在心裡，好像氣球裡積存的壓力一樣。你不如停一停，到我們的網站 www.help4suicide.com.hk。那裡有一些與自殺有關的人與事，你可以隨心看看（ http://www.help4suicide.com.hk/myth_showlist.php ）。 你更可以進入網站內的『Chat窿』（（星期一至五：上午六時至凌晨一時；星期六、日及公眾假期：下午８時至凌晨１時），即時與我們的義工在網上交談，或致電我們24小時電話熱線2389-2222，與我們的義工傾訴。

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

上個月好啲嘅，一個星期起碼都有三四日返
而家係仆街到一個星期得一日返 上個禮拜仲要一日更都唔畀我

我know that feel
唔係自己唔想小心係自己能力有限