剛剛分手既你，入黎傾下，大家互相扶持好嗎？（69）

琴日散啊。。。

2年幾時間 話完就完 愛情真係可以好兒戲 邊個愛得深 邊個就傷得深
放唔低果個咪一直活係傷心之中 依2年 我好多野都將佢放係第一位 有咩都諗左佢先 想要出黎租屋 ok 想養倉鼠 ok 想去working holiday ok
我同佢一齊 大部分既精力都放左係佢到 因為我已經將佢當左係我自己一部份 佢好姐係我好 到依家要分手 先知道原來自己依2年時間咩都冇做過 學佢話"覺得我冇進步過 我想要係一齊進步"
我唔知要幾耐先忘記到 之前佢話要去working holiday 我就成日都影下佢 等第時佢去左 我都可以望下啲相 掛住下佢 變成依家 相薄都係佢
仲記得就同佢一齊前 有朋友問 女定fd 你揀邊個 我果陣揀左女 但發覺其他人全部都係揀fd 而到左依一刻我都明了
分手唔難 但忘記一個同自己朝夕相處既人 真係好難 租屋果到 貼滿哂我地既回憶 點點滴滴 有佢第一次上我屋企 有一齊去既旅行 有周年既紀念 但依刻我覺得依啲回憶好恐怖 我唔敢諗返 好驚諗返以前好開心既日子 好唔真實

我會比佢冷靜返一陣再搵佢
當一星期咁

Ching 真心問點做 好迷茫

朋友係有 但我唔知點抽離

男人老狗 喊撚左成日 依家打緊字既手機都係我當時送俾佢既聖誕禮物 我自己都唔捨得換手機 佢換左機 我再用番依部野

好想工作麻醉自己 但仲放緊假