廿零歲照腸鏡發現左係腸癌

個肚痛左半年 成日間唔中 同夜晚痛到訓唔着食止痛都冇乜用。由間唔中好多胃氣 之後越嚟越痛得頻密

由上年七月，分別睇左幾個醫生N次 都係話係腸易激，個胃發炎 或者胃酸倒流 搞到肚痛。
因為之前驗過大便 冇隱血或者其他問題 所以醫生一口咬定係腸易激或者個胃唔好 搞到肚痛 一路比開胃藥，腸易激藥。唔需要照腸鏡 食完會改善咁

12月尾去左照胃，淨係見到輕微發炎同個膽有幾粒息肉仔 咁又係開左啲胃藥 腸藥比我

到左前幾個星期發現屙左2-3次血屎 覺得唔對路，自己要求去照腸 唔理屋企人反對。最撚搞笑係話我食咗蕃茄丶紅蘿蔔丶熱氣 又話我個人唔好咁緊張因為上年有運動 所以搞到屙血屎 肚痛。

最後前幾日自己決定入院照腸 照到腸入邊有惡性腫瘤塞住條腸 但係好消息照左全身顯影劑 冇擴散出去，同埋要再進一驗淋巴線有冇擴散。 最後要做手術切左部份腸。

如果各位發現自己有腸問題就一定要去驗，唔好理醫生，屋企人9up 話咁後生唔會有 唔需要檢查

請問你係咪上次話懷疑腸癌個位絲打？

加油！

加油

平時生活習慣係點？

加油 早日康復

有冇話幾多期？
切完有冇化療？
有冇claim 保險？

加油呀巴打

加油，希望巴打你大事化小，小事化無

飲食習慣

早日康復

腫瘤塞住條腸
巴打飲食係點啊,有冇家族歷史果啲
咁排便習慣有冇唔正常啊
希望巴打早日康復

早日康復

屋企人有冇癌症有史？

早日康復

無乜事既 我都二十零歲 年頭因腸穿切左三分一大腸 而家都好地地 樓主加油！

加油! 早日康復

照腸要幾錢我個肚都成日痛

感謝你的分享，大家都要記住身體係自己，做多好過做少。