【外傳】【神子解放篇】《女朋友全家變咗隻蛋》

呢一篇外傳係因為之前承諾過，有一千正評就打埋出嚟。

首先多謝各位支持

如果覺得好睇，都依然歡迎繼續留個正評

FB：墨說

IG：maksyut20030164

日本，名古屋。

某間小小居酒屋內。

只有兩張細檯嘅店鋪內，我同沅彤正促膝長談，由夜深傾到朝早，檯上擺放住兩杯啤酒同一碟唐揚炸雞。

「一大早飲咩啤酒，食咩炸雞。」沅彤諗唔明白，點解要咁唔健康。

「咁無生雞蛋撈飯，唯有叫下其他嘢。」我偷偷掩嘴細語：「無理由坐成晚唔幫襯。」

沅彤打個呵欠：「我估唔到自己居然願意用成晚時間，去聽你講點樣殺隻紅神目......又咩召喚業火、戰神上身、咩咩成身發出聖光，都唔知你講真定講假。」

「我已經覺得世上無我對付唔到嘅生物。」我說。

「前題係要靠我把刀。」沅彤補充。

話到一半，一個灰衣戴帽嘅男人正欲離開店鋪，喺經過我哋嗰陣，佢將一份文件放到兩人張檯上，不帶一點交流咁離開。

我哋兩個都愣咗一愣，望住佢遠去嘅背影。

「邊位......你識？」沅彤問。

「唔識，但我知道佢係咩人。」我嘅一雙眼無意中發動咗能力，輕易睇穿咗對方身份：「東武製藥？......點解讀落去，個名好似咁熟。」

「你最近返嚟可能唔知，東武勳佢搶咗西品集團嘅主席位。」有留意下新聞嘅沅彤，同我解釋：「西品製藥」改咗名，依家叫「東武製藥」......講起上嚟，啱啱嗰個人好似著住灰色風衣？咁似東武勳班採蛋獵人......」

我一聽完，就即刻跑出店外想搵嗰條友喺邊，但對方一早已經離開。

沅彤拎起份文件，行埋出去：「試下睇咗份嘢係咩嚟先。」

「嗯。」

我倆原本放輕咗嘅戒心，心情一下子又好似重回十年前嘅緊張咁。

文件一掀，即刻知道個大概。

係關於，其中一隻兔子人嘅事，名為──「神子」。

內容大意係，約莫好多年前，某隻初生兔「神子」嘅出生。

初生兔，即係人類同兔子人雜交生出嚟嘅混種。

入面仲記載住，一般初生兔活不過十歲，因為隨住佢哋長大，就需要吸食更多靈魂蛋去發育，否則就會餓死。

所以，產量不嬲就少嘅靈魂蛋，令大量初生兔吸收唔到足夠嘅營養，自然咁死去，當中唯獨一隻叫「神子」嘅初生兔，渡過咗呢個階段。

因為佢係「重生會」主教同西品盛個女，所誕下嘅愛情結晶。

西品盛為咗唔將家族出咗隻半兔人呢段消息洩露出去，將「神子」嘅存在列為最高機密。

面對呢隻半人半兔嘅生物，西品家家族嘅後人，西品盛佢嘅取態係將佢封藏。

因為西品盛女兒嘅哀求，神子無被殺死，更加被養育成長，但就必須永久封藏，唔可以曝光喺外人面前。

如今，西品家將佢存藏喺一個維生儀器入面。

西品盛每年都會親自檢查一次，並且重新輸入密碼，令維生儀器繼續運作。但當西品盛只有一年無去輸入密碼，維生儀器就會自動失效，到時神子......

將會被解放。

睇到呢一頁，沅彤同我嘅神情已經隱約感覺到唔對路。

「我明明喺嗰幾年殺死哂全港所有兔子人......」沅彤說。

「咁你記唔記得，嗰一隻西裝兔子人。」我腦海中，仍存在住十年前嘅畫面。

「嗰一隻？」沅彤亦都逐漸記返起：「工廈見到嗰隻......」

「照道理西品盛死咗之後一年，神子應該解放咗出去。」我望向沅彤，問：「嗰幾年你有冇遇過西裝兔子人？」

沅彤搖頭：「無，我都想遇到。」

「西品盛設定自己冇輸入密碼就會解放神子目的係咩？」我不禁細思。

「應該係想，確保自己仲繼續延長緊壽命，否則......」沅彤講到一半無講落去。

我嘅眼睛突然滲出血淚，一顆血珠滴到文件上：

「否則神子嘅解放，就係幫西品盛復活。」

「你......」沅彤有啲隱憂咁望住我。

「嗯，我睇到當時親手打依份機密文件出嚟嘅西品盛......」我撳住隻泛紅嘅眼睛：「佢嘅真相。」

「依十年，你仲有冇收到其他消息，喺消滅所有兔子人之後。」我問。

「無。」沅彤簡而直接咁回答。

「咁我諗，神子唔係一般嘅兔子人。」

「我又有返少少感覺......」沅彤莫名揚起嘴角：「十年前嘅感覺。」

「你都唔細，廿四變三十四。」我拍一拍沅彤個頭。

「哼。」沅彤雙手插袋，冷笑一聲。

「兩位你哋未俾錢呀！」突然，居酒屋嘅老闆跑出嚟。

「咦，個老闆係咪講緊粵語？」我問。

「嗯，我帶你嚟呢間係香港人喺日本開嘅居酒屋，咁樣易溝通。」沅彤說。

「好彩你哋未走，總共三千円呀！」嗰老闆莫名咁擺出咗泰拳姿勢：「唉！估唔到喺特登嚟日本開鋪，諗住唔會有咁多痴線客，大家會禮貌啲，但結果原來問題係出自我喺到，成日都差啲唔記得收客錢！」

「你係......」我望住老闆。

「噫呃！你係......」老闆望住我若有所思。

「ここで払っていい？」沅彤向老闆唔知講咩。

「係！」老闆用半咸半淡嘅日文定唔知中文回覆。

然後，沅彤就埋完單，我哋就走人。

終於

宋仔lm

終於番嚟

老闆

失敗了吧

士多老闆

LM

我嘅眼睛突然滲出血淚：「係士多老闆！」

屌

行喺仲係啱啱朝早嘅寒冷街道上，我仲耿耿於懷緊文件上關於「神子」嘅事。

「仲諗緊？」沅彤問。

「係......」我嘆出一口冷氣：「你都知，我半條命同兔子人扯唔開關係。」

「搵個地方休息先，你成晚無訓。」沅彤說。

「你講到你好似有訓咁。」

「喺你琴晚好興奮咁講自己點樣同紅神目一打一嗰陣，我已經偷偷地訓著咗陣。」

「咩話，咁精彩嘅嘢你居然......」

「有冇地方休息？無嘅話，我有個地方推薦。」

「邊到？」

沅彤無答到，直接帶我過去嗰個地方。

係我之前探訪過嘅一間公寓？入面好似住咗個後生仔叫......

「喀」沅彤撳鐘之後，有個後生仔模模糊糊咁開門。

「沅彤......？」周文政揉緊眼，睇落啱啱醒。

「周文政，你漏咗加「姨姨」兩隻字。」沅彤當自己屋企，行咗入去：「政，你就暫時喺到休息。」

「......我一直都喺到休息緊。」周文政說。

「我覺得佢係同緊我講。」我說。

一食完嘢，我同沅彤即刻上咗㗎的士，準備返屋企。

「後面個阿叔做咩追住我哋？」司機望下倒後鏡，問。

係士多老闆，我哋好似未俾錢佢。

「唔洗理，條友痴線。」我對司機講。

仲有呀

士多老闆仲學左泰拳

「你兩個自己相處下。」沅彤交代完，就徑自離開。

「呯」門一閂，剩低靜悶。

我同只係點頭之交嘅周文政互相望住對方，有少少恍然。

「你好......」佢彎一彎腰對我講。

「你好。」我都點下頭。

「呃，食咗嘢未？我可以整啲嘢你食......」周文政招呼幾好。

「唔洗，有張梳化就得。」我行去廳到，訓喺張梳化上休息。

訓醒嗰陣，經已係晏晝。

我喺間屋周圍望咗望，參觀下咁，間屋都幾大下，仲要有露台掛衫。

我見嗰個叫周文政嘅後生仔，喺間房用緊電腦。

琴晚我好似聽過沅彤講，呢個叫周文政嘅，算係半個養子，但詳細我無問到太多。

我見佢瀏覽緊日本嘅熱門討論區，睇緊一條視頻。

視頻入面，好似240pp咁模糊，似係閉路電視嘅鏡頭畫面。

影片入面係一隻疑似兔人嘅生物，喺日本某條街上行走俾人影低咗。

突然間，周文政轉頭望咗向我嗰邊，見到我睜住眼咁喺門縫偷睇緊佢電腦，即刻嚇到閂咗個網頁。

「......係咪嚇親你。」我說。

「唔緊要......」佢答。

「你啱啱睇嘅係？」

「無咩嘢，都係啲都市傳說之類嘅嘢。」周文政好假咁笑住答。

「兔子人？」我說。

「呃，係......」

「你都依啲嘢有興趣？」

「我係......對兔子人特別有興趣，因為沅彤姨姨細個成日同我講，關於兔子人嘅事。」周文政說。

［老闆外傳］

點知今次司機停咗車，老闆同時都追到嚟

「哈？諗住食霸王餐？同你講，前幾日有個同你差唔多樣嘅人喺香港食我士多霸王餐，你知唔知佢最後有咩下場！？」十足廢老嘅老闆，向我大喝：「下場就係佢俾我用泰拳打柒咗！」

我嘅眼睛滲出血淚，然後察覺老闆喺到講大話，因為明明係佢俾我打柒。

「......」

「泰拳第一式！」老闆開始左手劃龍、右手化虎，擺出兇猛嘅拳姿。

繼而彎腰「啪格」一聲，龍虎廢老彷彿癱咗咁攤喺地下。

「嗚啊啊啊......你老母......出陰招......仆街......」老闆痛不欲生。

老闆恍然大悟：「你咪係...前幾日打柒我嗰個......」

我蹲低喺老闆身邊，俾返部手機、同銀包佢：「還返俾你，仲有今餐嘅錢。」

正評

視頻

「你呢？你係沅彤姨姨嘅朋友？」周文政反問。

「可以咁講。」我抱手、答。

「咁你放心，我唔會俾你喺我屋企餓親。」

「雪櫃有冇生雞蛋？」

「好似有......」

「好，話說可唔可播多次你睇嗰條片？」我問。

「噫，可以啊。」

佢又再一次打開，影片入面的確係著住件西裝嘅兔子人。

「神子......」

到底，依一隻兔子人係唔係佢？

「依條咩片嚟，邊到拍到？」我問。

周文政望住電腦嘅日文，說：「係熱田神社附近嘅街道影到，聽講嗰到凌晨嗰陣發生兇案......」

「兇案？」

「有個神社嘅寺僧，俾人殺咗，之後啲人翻睇閉路電視，就見到呢隻可疑嘅兔子人。」周文政托鄂。

「又會咁啱依個時候先發生兔子人兇案......」我諗下諗下，突然俾我諗到一件震驚嘅事實：「把八赤刀，好似就係交喺熱田神社到保管......」

推

Lm 支持

重生會主教唔係女人咩？

Push