1. 港共同「香港警察」而家係乘人之危
全球各國現時均專心應付武漢肺炎,因為呢次疫情將會重擊各國既醫療體系、經濟,去到全球供應鏈既佈局都會受到影響。所以全球媒體、政要都集中火力係疫情方面,連伊朗都因應疫情失控,將大量5年徒刑以下既囚犯暫釋。
係呢個時間,全部國家同人民都分身乏術,專心抗疫既時間,只有港共會默許,只有「香港警察」會做得出,將政治清算凌駕係公共衛生之上。佢地既所作所為,係出自一個警察國家治下既失能、失序,將自身存亡同敵我關係放到最大。
香港疫情冇大規模爆發,正因香港人專心抗疫,但係「香港警察」而家就係再一次扯後腿,乘人之危,乘世界之危,去達到自己既政治目的,呢種失德行為必須制裁。
2. 香港愈得到愈多注視,手足(暫時)就愈安全
經過上年既抗爭,民主國家開始有政客、議員跟進並處理香港事務,係美國人權法報告即將完成之前,如果國際能夠再次將目光(一部分都好)放係香港,都可以一定程度暫時遏止呢種「水晶之夜」行為,幫被Target既手足Buy Time,愈多既曝光,手足就愈多時間去處理人身安全既問題,去聯絡更多既政要幫手。