有冇人同我一樣都係外熱內冷？

個個都覺得我好nice,但其實只有自己知道個心入面咩都唔care。對於唔感興趣嘅話題就會逼自己去聽同比意見，然後個心會好想叫你快啲收聲，唔好要我諗點答你好
或者我真係一個唔識溝通或者懶得去溝通嘅人嚟
有冇人同我一樣？

以前外熱內熱 而加係咁 咩都唔想理

Ching介唔介意分享多啲

以前睇個世界太理想
但其實無人care
想對人好D好易over左變到犯賤
宜加醒左 唔駛煩就已經得
同身邊嘅人亦愈黎愈疏遠
但我已經冇所謂
你呢

可能我啲行為真係過於偽善，身邊啲frd好鍾意搵我傾心事。本身一開始都好有耐性，但慢慢已經有種心態覺得可唔可以唔好再搵我傾，認真覺得麻煩，佢哋啲嘢又唔關我事，點解我要浪費時間聽你呻苦？

本身我性格就唔太鍾意熱鬧，鍾意君子之交淡如水嗰種feel。雖然有時唔太願意同佢哋傾計，但都係逼住自己理下佢哋，盡量比多啲comment，唔好比佢哋察覺我咁敷衍，所以我有少少抗拒社交，但最弊個個都覺得我係一個好好嘅聆聽者，值得深交嘅朋友。然而我真係冇佢哋想像中諗得咁好。

簡單啲嚟講，我都係覺得朋友之間保持距離會好啲。