[遊記] 鎌倉戰神源義經傳奇追跡 / Fate冬木聖地巡禮

我都有去平泉睇義經同弁慶

巴打，你個背囊寄倉？
我買咗好耐都未有機會用

今次全程hand carry
size啱啱好

牛若丸

Day05 part 1 牛若丸誕生篇

開始正文前又講少少資料先
牛若丸係源義經幼名，後尾喺鞍馬寺起咗法號遮那王
元服後先改名做源九郎義經
「九郎」指兄弟排第9
「義」係河內源氏常用名
「經」取自清和源氏初代源經基

又清和源氏，又河內源氏
我諗唔清楚日本氏族嘅巴打，應該都睇到R晒頭
簡單講，氏族係脫離皇室嘅皇族，由天皇下賜姓氏捭佢哋
呢班人多數都成為武士，而河內源氏係清和源氏一個分支

返正題
話明係牛若丸誕生篇，第一站緊係喺牛若落車啦


牛若丸誕生井，位於北区紫竹牛若町

附近仲有個 源義経産湯井遺址


之後去総神社，相傳常盤御前就係喺呢到生牛若丸
総神社其一個祭神係義經老竇，源義朝






常盤井碑


首途八幡宮
牛若丸決定離開鞍馬寺去奧州平泉投靠藤原秀衡
出發前嚟到呢到祈褔 (當時仲叫内野八幡宮)
後人就叫呢到做首途八幡宮



嚟到緊係要求返次籤啦

typemoon展邊有得講多啲，每期都太少展品
根本就應該將3期一次過放出嚟…

入場券／場刊／GOODS先係個展嘅重點

Day05 part2 神泉苑 / 二条城

講得義經，緊係唔少得提埋佢愛妾 靜御前
佢係當時一種叫白拍子嘅舞女
傳說義經睇完靜御前一次祈雨舞後就迷上對方
靜御前喺同時代正式史料中資料唔多
最早只有『吾妻鏡』係有記載到
依架有關靜御前嘅形象同故事多數嚟自後人寫嘅『義經記』

葛飾北齋筆下嘅靜御前，北齋啲畫真係好正

神泉苑
以前嘅神泉苑係平安京嘅禁苑，總面積有130000m^2
依架得返一個庭園仔
傳說義經同靜御前係喺呢到相遇






好多雀鳥





二条城
行完神泉苑，過對面馬路就到二条城
京都唯一非神社佛寺嘅世界遺產
入場費+二の丸御殿，1030円




二の丸御殿，入面唔捭影相

雖然今次本丸御殿維護緊
但我就咁喺城內都行咗2個鐘，二条城真係好大

Day05 part3 五条橋の決闘篇

行完二条城，就沿鴨川慢慢散步去五条大橋
日本啲河川又闊，又有景睇，又夠長捭人行



傳說五条橋係牛若丸同武藏坊弁慶決鬥嘅地方
當時弁慶喺五条橋進行刀狩，搶咗999把太刀
就快完成1000把目標嗰陣，就輸捭牛若丸



附近有個牛若遊樂場


不過......
傳說嘅五条橋並唔係上面嘅五条大橋
真正嘅五条橋原址位於五条同四条中間
歷史上捭洪水沖毀咗幾次
依架原址重建咗條松原橋



橋底嘅木柱唔知會唔會就係五条橋嘅木柱

Day05 完

Ok

睇司馬遼太郎果本?

我都幾鍾意源義經(利申無玩fgo)，上次去東北搵咗個朝早去平泉，不過時間太趕完全走馬看花都幾可惜，搵次再去過

係吖
嗰陣上amazon買，唔知買邊本好
就買Amazon人氣高啲嗰本

平泉我都去得好趕，中尊寺行得一半左右
要趕返東京程車，早知張飛劃遲啲

櫻就係命苦

弁慶個鐘係滋賀，京都可以琉璃光院上比叡山落滋賀，纜車落到去就係近江神宮，寶物殿有雅樂蘭陵王面具，落三井寺有弁慶鐘睇

之前去過平泉

Day06 牛若丸鞍馬修行篇

話說平治之亂後，咸濕佬平清盛就dap咗未亡人常盤御前
牛若丸就捭人送咗去鞍馬寺
相傳有次偷走出去玩，捭佢遇上住喺僧正谷嘅大天狗(鬼一法眼)
之後喺大天狗門下學咗唔少武藝同兵法，為向平家復仇做準備
有日捭住持東光坊發現，想防止牛若丸所以就要佢出家
牛若丸唔制，住持只好同佢改個法號「遮那王」先

到咗16歲嗰年離開鞍馬寺，走佬去奧州投靠藤原氏
由藤原季范幫佢元服





去鞍馬要先坐到出町柳，再轉叡山電鐵

天狗像早幾年斷過一次
依架呢個好似係二代嚟

鞍馬寺 仁王門
入山要捭300円愛山費

過咗山門之後有個分叉路
捭你揀行上去定係坐纜車上鞍馬寺，我緊係要行上去啦
以後再嚟先去坐嗰架牛若丸纜車


鬼一法眼社 & 魔王の瀧
之前捭台風21號吹咗，未修好



由岐神社
每年十月會喺到搞鞍馬火祭



義経公供養塔
昭和15年建立，據講呢個位係以前牛若丸住嘅東光坊



一路再行九十九折参道






鞍馬寺 本殿金堂




好彩冬天見唔到


本坊（金剛寿命院）




過咗本殿金堂，後面開始係奥の院参道






息つぎの水
傳說牛若丸修練完會喺到休息


木の根道
傳說牛若丸修行場




義経公背比べ石


義経堂


僧正ガ谷 不動堂

btw 行到呢到遇到個日本家庭由貴船行上嚟
個老竇仲同兩個仔講解緊牛若丸故事

奥の院魔王殿
鞍馬寺洗傳嘅護法魔王尊係好似天狗咁樣
喺650萬年前太古時代，護法魔王尊由金星降臨此處



西門
行到西門，即係已經行完鞍馬山
進入咗貴船範圍



貴船神社我冇行到，只係去到個門口影張相就算


返酒店途中見到綠茶燒酎買嚟試下
伏爆


Day06 完

我去嗰陣好清靜，真係好正好舒服

整個鞍馬山行幾耐>?\。

2至3個鐘左右

Day07 嵐山

嵐山冇做資料搜集，唔知有咩講
多圖少字算


前一晚見twitter有人話
因為支那肺炎，嵐山少咗遊客去
第朝決定仆去睇下

坐半個鐘車，大約朝早九點半去到
一路行一路影…………
…………………………
………………
………仆佢個街
說好的嵐山少遊客呢


例牌打卡位，渡月橋




因為本身唔係咁鍾意去人多嘅景點
決定重點行天龍寺就算


入場放低800円，行咗個半鐘









幅畫又幾過瘾



出返嚟發現跌咗一邊手套

過咗嚟幾日，見過唔少單邊手套
估唔到自己會係下一個

竹林
好多人，行咗陣已經決定返市區



京都呢幾日多數朝早行景點
下午去京都站行街
呢日醒起FGO套新趴趴出咗
去animate試下手氣

抽唔中牛若丸
btw京都間animate同らしんばん好細間

Day07 完