點樣可以做電影攝影師同導演?

而家要做導演只可以行「編而優則導」呢條路
新一代真係冇咩人係靠由場記升上去做導演
所以如果要做導演嘅話首先有一個好嘅故事
然後走去周圍參加啲電影比賽 同埋自己拍返條靚靚仔仔嘅短片sell吓自己

攝影師我見大部分撈得到都係靠識人同本身好stand out from the crowds

有無ching介紹入行

我知道導演好L難做
好的故事 唔一定有投資
有投資 唔一定拍的好
仲要自己覺得好的 唔一定人地覺得好
導演重要有控場能力

我自己都唔想浪費自己時間
我想貢獻香港電影
但 難入行、低人工、未必出頭、市道唔好、奶共、有其他出路
全部都是叫我唔好入行的原因.....

現實就係咁架啦你可以唔聽行內人講既，但你咩都冇，唔係話想貢獻就得，同埋想，你有冇諗點做?一味話我要入行係冇用
基本野就係你要自學哩方面知識或者上堂學

其他人方法都比埋你，第一步都唔試，仲入咩行

我咪講左不建議此做法

難入行都算，有邊行一開始唔係低人工、未必出頭、包一定市道好、有其他出路
一開始就比個老細位你做好唔好
好後悔打咁多字覆你

其實目前你呢個stage唔使諗咁多，導演只係一個storyteller 講得完你要講嘅故事就可以了橫掂而家都唔會有投資者投資落你呢個「nobody 」身上

要做一個導演嘅第一步 就係要識寫一個故事然後轉化成劇本（呢個你可以去公共圖書館搵啲編劇書睇吓/上網down啲劇本嚟睇吓）你寫到一個完整劇本返嚟先再諗咩貢獻香港電影

路過，反而想學寫劇本

YouTube有好多教學係教人寫劇本

正正經經睇下書

我推薦劉天賜依本

https://www.cp1897.com.hk/product_info.php?BookId=9629920409

由淺入深，睇完起碼有慨念

依個年代入電視台唔係咁易識電影人

依個年代會靠識人 埋堆
導演既就讀書 堆Professor 老屎怱堆
最緊要堆同學堆 起碼有個班底陪你拍下野
參加下比賽 但係樣樣都係錢
一個正常學生短片 可能30分鐘 已經講緊20-40k
重要crew得飯盒
由底做起係要埋上一級堆，唔係你永遠都最底級

攝影既話最方便就係做器材撚
咩都買 咩都玩
世界好虛偽 就算你能力唔夠 經驗不足
但你表面上的確好pro
甚至好多人需要同你租器材，傾器材
好易有job ,識人

結論：全部都要錢，第時有錢你投資開戲先貢獻到比香港電影
無錢既話你係嚴重剝削緊台前幕後
唔好用你所謂嘅藝術做藉口
埋堆過程亦係非常虛偽，熱血只會留響學生時代
出到黎只會遇到大量西人，大把鑊你孭
出到黎係工作，係睇人面色，係老闆心情，係追糧地獄
依個市道，連關智耀既手足都要轉行做運輸
你只係識電影真係好底競爭力
你讀書出嚟起碼有張沙紙響手
到時再讀上去又得
做電影研究 學術派 都可以有穩定工作

不如你將啲想法搵信得過嘅朋友、志同道合分享
睇佢哋笑你定支持你先
個個睇電影時都有想法，覺得自己叻過個導演編劇
貢獻電影圈前，我建議確認吓自己能力先
葉念琛做影評人時幾尖銳，做導演拍啲乜嘢出嚟？
陶傑幾睇唔起港產片，但自己拍嗰套咪仲難睇

編而優則導一向都係全世界定律
首先一定要寫到一個好故事，跟住再好好地將故事講出嚟。
睇清楚唔只係寫到好故事，係仲要識講故事。
跟住週圍去推銷自己個作品
香港嘅話我會建議從短片開始，始終你正常唔會有足夠資源拍部電影，仲可以從拍短片去睇吓自己究竟係咪適合做導演。
當然你若果覺得自己可以做到極少資源拍到一套好嘅電影呢種刀仔鋸大樹嘅，你可以嘗試。
如果係冇底，建議上堂。上電影課程唔代表你有做導演能力。但至少你會知拍電影有咩嘢要做。冇一個成功導演係冇上過堂，就算係quentin tarantino都係上過好多短期嘅course。

做導演好多女食

錢

我做左電視成8年
見到三個導演跳到去做電影
不過都係d低成本製作既電影

其中一個係咪獅子山上個導演？

想知電影副導助製辛苦啲定電視台PA辛苦啲

其中一個係此情此刻導演

lm
計劃緊去外國讀電影碩士