有冇人覺得一生人一定要去一次working holiday?

30去同畢業去。係2種感覺嚟

失敗人數一定會比成功人數多，除非真係同AU人結婚，如果唔係都幾難

咁我都安心小小
本身諗住過去體驗下摘水果嗰啲咋
因為本身係香港唔會接觸到呢啲工
加上係香港都唔會願意去接觸(?)
同埋最緊要係NZ好靚

通常做完picker 之後都唔會再做
都幾辛苦下 同埋又要去晒

但做完返嚟對香港嘅工作無咩幫助喎

無知一問
點解咁多人去澳洲wh
同埋返到黎香港咩都要由零開始真係值咩？

日本就算鳩數啦
如果講旅行同實際生活落差
最大一定係日本，沒有之一

之前想去wh去英國，然後襯個兩年係英國出發平去哂成個歐洲，點知突然結婚生仔，變成一個幻想

因為澳洲無上限收人,所以咪多人去囉.
btw不過我個人唔鍾意澳洲,所以有得揀都唔會去.

再講,去日本都唔太多工可以揀

個概念上唔可以咁諗
如果你想返到香港對份工有幫助
你係應該將香港做落既經驗係果邊繼續做同類
咁樣返到香港先有幫助 唔係由果邊學完返黎香港
例如：你做開廚既 去到照搵廚做 話唔定有WV比你

雖然日後工作上無咩用 但係外地只要幾個月你生活上既技能一定大有進步 我由唔識洗煮飯 變到依加可以2餸1湯 由考完牌無再開過車 到依加開住架車玩環島 依啲先係最大得著對於我黎

絕對係環境迫成 技能開發

所以我會過去照做包,如果留得低就喺嗰邊發展拎咗身份先睇下返唔返嚟香港.

澳洲呀
咩負擔？有小朋友？

如果喺香港係做開MNC ，老細唔會覺得wh係咩特別事，甚至欣賞你俾其他港撚有勇氣去外國，體驗又好去闖又好，會覺得你相對眼界闊啲

如果想試下係外國生活既 不如去歐洲讀書啦 有好幾個國家讀second degree甚至master其實學費唔貴 甚至接近免費 你去WH都係做d基層工作 而且好似每半年就要換一個employer(唔肯定，好似澳洲係咁，其他國家唔知) 想博留低既讀書機會大d 而且就算真係留唔低要返香港 搵工都無咁蝕底 起碼你係去讀書 係好多HR眼中WH=無方向，無大志，無打算，唔捱得，坐唔定，浪費時間...

咁咪唔好去囉
點解一生人一定要去一次

利申完全冇興趣

唔係咁睇嘅,你估人人都係讀書嘅材料咩.唔係咩工都係要見HR嘅.

如果純粹錢，你可以家用照俾，放低幾皮就去得

利申，當年放低一年家用就飛左

如果想留低,咁你揀去加拿大啦.

瑞典唔錯 但感覺好難搵工