究竟拍拖點樣叫做適合？

其實我係有試過你個情況
類近
我頂左年幾就放棄
放得上黎你都個極限就到
4年好耐 但我覺得 你決定
有冇咁愛佢 定一話 滿足自己需求大啲
前者 咁你可以一世嫁啦
後者 你自己諗清楚去唔去到一世
定一話一世都會埋怨佢呢樣果樣唔夠

🚬
絲打你嘅講法我好有共鳴
佢以為覺得對自己好嘅，就係對我都係好。我念在佢蠢，所以一直都無真真正正發過佢脾氣。

一齊咗半年多啲咋，佢返緊工我仲讀緊書。
所以佢金錢上唔多唔少都會support到我，佢又真係幾大方嘅，但比起物質上嘅，我想要多啲相處時間囉。

不過我覺得佢係細水長流型，所以諗住畀多啲耐性同時間落去，但有朋友就成日分化我哋叫分手 我最近諗緊我究竟想要點樣嘅愛情 利申第一次拍拖

笑死好似講緊同一個男朋友咁

我無你咁好 我成日會引唔住發脾4
佢都係返緊工我讀緊書 佢又係物質上好大方
我又覺得佢係細水長流 但現階段我唔係想要哩啲
我有時諗 或者我大啲出黎做野
就會想要細水長流哩啲愛情既

你幾歲呀佢大你幾多？

我其實一直都有諗過放棄
但拖下拖下就4年

唉 唔知 好煩

最戇鳩係成日一鬧交就會block哂你所有野
Fb, ig, whatsapp, tg, 電話 乜9都block

有冇咁似呀 我忘年戀

我都同你一樣咁諗，可能第時到我返工就唔會好似依家咁諗。我同佢傾開愛情價值觀嘅問題，佢嘅答覆好多時都著重係個人發展到，咁我都認同我哋都係獨立嘅個體，有自己係好啲嘅。

之不過我希望我哋各自有自己之餘，都可以一齊經營下段感情，唔想咁hea咁佛系(佢連思想都好佛系)，好驚佢一直唔明白我最後我burnout提出分手

但係我覺得你會好似我咁 好快頂唔順
再加上樓上位巴打講得幾岩

啱呀 sad but true
但我真係好鍾意佢，我打從心底欣賞佢，我好想同佢一齊行落去，佢真係好好仔㗎 只係太過遲鈍get唔到我嘅心思

而我一直暗啞地覺得，佢之所以咁樣係因為佢以前段感情處理得唔好先會搞成咁，一直係到逃避，我好想佢有一日可以面對自己嘅感受，放低心頭大石。

你好好 我自問無你咁好
我都無咩耐性

要諗嫁啦
尤其喺你有同佢傾完 都係唔夠
可能已經唔係傾咁簡單
又或者分手會係一個起爆彈令佢想大改變嘅
幾大機會會變成咁

但講明先 一個人成世人都咁活
會唔會真係為你而咁樣改變到 要自己再考慮
仲要分手先提

為自己為佢都好 唔好拖啦
諗清楚自己想要咩

你同佢傾問題 講下自己感受
佢就會話：我份人好現實 咩都講現實既 大家岩就一齊 唔岩就分開
咁即係唔洗傾
所以分手對佢黎講好似食生菜咁易
佢成日覺得自己係咁就咁 係佢性格黎 咁樣

分手要同屋企人同親戚解釋先煩 會問長問短

咁你真係要認真諗下分唔分啦⋯⋯

佢咁嘅態度，我覺得係任性，唔重視兩個人嘅關係，佢講到咁串。當然佢可以靠佢所謂運氣緣份去搵到一個佢適合嘅人，但無一個願意改善嘅態度，遇到其他問題佢都只會咁樣。

哈哈 但佢會覺得我先係任性 佢永遠係最成熟個個
我唔知佢點諗 可能佢心入面好重視
佢講到明唔會改 係我on9啫

唔同依種人行落去都罷，你值得更好，要搵到一個肯同你真心聽你諗法，願意同你磨合嘅人。

重視還重視，但誠意先最緊要，依樣好容易係行動上睇得出。我見到我嗰個都仲會嘗試了解我，雖然我要三番四次咁同佢講，所以我先打算繼續行落去

唔知呀 但又唔可以完全話佢唔好
只不過可能大家追求既野唔同
佢有時都會對我好好既有時囉

我覺得一單還一單啦(?) 佢對你好嘅地方唔係針對返你嗰個問題就等於佢無理過你，你所以你地追求嘅愛情可能真係唔同掛

係 由始至終既問題就係我想佢陪我去多啲地方
人地話細節打敗愛情 原來係真

咁好睇對方肯唔肯為左你調整自己
佢唔識點對你好 唔會點做會令你開心 或者 佢本身冇做開某啲野 而你好enjoy做個件事
例子：份人好自閉 好mean 唔中意出街

我男朋友自閉毒撚A0左二十幾年
我份人就幾中意出街 同朋友social嘅
以前都好似佢咁自閉又成日踩親人條尾（已改）
我估唔到現任會為左我改左佢原本嘅習慣
真係幾感動🥺 因為自己都知改呢啲性格野好難
以前ex有啲缺點 明知自己咁樣唔好 應承左我會改都冇改過
但現任話改就真係即刻進步 show到比我睇

所以我諗 睇對方有冇心同你一齊經營架姐
如果人地對你咁好 肯遷就你
你都要就返人 呢啲野就係雙向嘅
樓豬你有冇令對方覺得一齊係舒服
如果唔舒服唔該傾到舒服先 上連登唔會幫到你
頂多幫到你諗到啲溝通嘅方法
講到尾都係要靠自己架

Bless you 拍拖真係要勇於失去

佢都有改小小既
咁講真 我覺得佢同我一齊都唔開心
我中意出街 佢中意留係屋企 淨係哩樣野都成日有得嘈

最煩係要同全個家族解釋

依個係真心煩嘅

要拍得耐就係嫁啦
細節位好重要
一切不滿同開心既都係靠細位類積
佢都有啲自大..

我都唔知我男朋友係真係咁樣 定係扮哂野咁
分手成日都有提 只不過無一次係真咁解