薯叔教室- 序章
「工欲善其事, 必先利其器」繼上一回 同大家簡單講解左遊戲入面機制, 今次會同大家分享一下裝備心得同埋team up 其他玩家時所需要知既事項 , 可以慢慢放心食用。
新手入場必然無可能,全身full gear, 但我強調你一定要帶 耳機,耳機, 耳機!! Tarkov 入面大部份時間都係打 CQB (Close quarter combat) , 現代戰爭好多時都係打近距離戰, 一幢大樓入面你會遇到既情況會有好多, 全靠聽聲辨位 , 我以推薦新手們剛入門既可以買 最平既耳機“ Gssh-01” 黎訓練一下耳力。
以下係情景每日都係Tarkov 入面發生, 「你岩岩入左幢樓, 你位於二樓某一間房間, 突然聽到樓下有腳步聲」以下有幾種情況你要注意:
1. 腳步聲快速跑左上三樓 , 可能佢係帶輕裝/跑刀仔 或者後面有人追住
2. 腳步聲入左室內後, 有減小既跡象, 但仍然聽到, 移動既腳步, 係一樓搜索中, 暫時都未發現你
3. 腳步聲入左室內後, 直接消失, 好有可能係發現左你, 準備戰鬥, 呢類通常係有經驗同有火力既玩家。
4. 一堆急速既腳步聲, 相信係老手帶新手團, 一堆人盲目摷野。
以上既情景, 係你無戴耳機既情況下, 無法將腳步聲放大, 根本做唔到判斷同報位既作用, 好多情況下死係因為, 你以為敵人走左, 其實人地完全聽到你腳步聲, 你落樓梯時, 腦袋開花。
教大家小技巧可以提升生存率:
1. 如果入到室內, 要將每個角落檢查好 再開始搜索物資
2. Team up 其他玩家, 一個loot 野, 另一個負責睇位
3. 『Cap lock』腳步收到最細
4. 減小不必要既移動 e.g 人物轉圈, 蹲底又起身
耳機短評可以去以下連結:
https://forum.gamer.com.tw/C.php?bsn=29943&snA=901
子彈篇:
成日都會聽到有人講: 我打左佢兩排彈, 點解仲字死既, 係唔係BUG 左呀???
我唔排除真係BUG左(你知俄佬Server幾多bug嫁啦
.. 下刪三千字) 但都有可能係子彈穿透力(Penetration)唔足夠去打穿敵人既防彈衣, 我用最多人用既槍 AK 5.45x39 做個例子:
圖1:
圖2:
新手可能會執到既槍械, 唔寫太多了, 大約介紹一下子彈, 同埋穿透能力:
有一句說話 「寧願你用窮槍都唔好用窮子彈」,無論你槍法幾準,打架同賺錢請你將呢兩樣野分開
打架就一定係要用靚子彈, 賺錢你可以空刀跑場 , 用廢彈入去同人打, 只可以話 你預左身上既裝全部都會趺曬, 當拎經驗, 現實係好殘酷的
組隊心得:
第一件事,切忌做free rider , 我講既 free rider , 唔係話你個倉無曬裝, 迫不得己而做, 而係你明明個人有百幾二百萬, 已經唔係新手階段, 仲要入場執裝?
有無諗過老手們, 帶重裝入去既感覺? (老薯個群入面都見過….)
老手們係唔一定要教你, 手拖手帶你玩的, 每次帶你入去都係一個Bonus, 請你好好珍惜每次機會。
講返正題, 每次正常既行動, 我地會大約討論以下幾點:
1. 目的
可以係入場 純打架, 唔去搜索, 亦都可以係純執野, 唔主動同人打架, 大家達到一個目的有共識時, 請你入場後就遵守! ( 我見過入場打INTERCHANGE… 突然有個隊友走左去間房LOOT野, 一直都無報到位…..) 入到遊戲係分秒必爭, 邊一隊霸到先手位置就有利。
2. 裝備
重裝定輕裝? 入場前大家講明自己會著乜, 隊友可以衡量風險同埋帶唔帶”老婆”落場, 千萬新手們唔好有個錯覺, 入到場只係靠 眾師父保護你, 就可以乜都唔洗帶, 開戰縮, 儉屍就第一個衝,呢個行為極之令人討厭, 當然如果隊友示意你可以儉, 你當然可以上前啦~ (薯叔都好好人嫁! 曾經受過群入面一個叫Herman
既大大 帶我玩, 而家算係回饋返社會, 多謝你!)3. 掩護隊友
遊戲入面你就係隊友既盾牌, 每當有人要上彈 “Reload”!! 你就打醒十二精神分,去觀察環境 , 停底你手上做既野, 保護你隊友, 直到佢上完彈或者止血, 千萬唔好見到有得儉屍, 就全部人一齊去執屍又無人睇位, 一個炸彈埋黎, 可以全軍死曬, RIP....
有老手帶你上路, 的確係會令你上手快好多, 你會更明白一隊小隊點樣滲入,偵察,開火時機, 隊型, 行走路線等等….
Credit by R
:認清隊友!! 入遊戲後第一件事,請你先認清隊友避免teamkill , 入場前可以報下自己用咩槍,護甲同服飾上, 如果大家第一次組隊, 唔介意的話可以買條手帶入場。
隊型及站位:
千萬唔好人貼人咁推進, 遇到敵人後你好大可能因為隊友係旁邊, teamkill 左佢, 又或者敵人Full auto 一次掃底你兩個, 正確既推進應該係, 一個隊友推前, 另外推後保持 3- 4個人位, 當前面遇敵時, 你可以立即判斷到敵人位置, 如下圖:
每當去到轉角位, 或者入房時, 每人掃瞄一個方向就如下圖一樣, 呢個係純佳既掃房方法。
以上既都係本人小既心得, 而且會繼續更新教學, 多謝觀看。
完
薯叔
, 年過三十, 鐘意打機, 但FPS 苦手, 反應隨年齡愈來愈慢, 但係仍然喜歡打機。自問唔係一個射擊遊戲能手, 但係如果你地有興趣想知多D呢隻遊戲, 又或者入坑既可以隨時問我, 我知道既一定會答你地,祝大家成功逃離塔科夫。
Twitch:https://www.twitch.tv/hcp999
Discord: https://discord.gg/t8nmKc
出動google sheets
