「讀書須父幹」有幾多真係靠自己讀到大學神科畢業？

窮人父母一唔識教就亂咁打仔女

其實家庭教育先係最緊要
一個人性格, 勤唔勤力, 學習既動力
大部分都來自家庭觀念

岩 但家庭教育唔等同父幹
好多野都係由細慢慢陪養成習慣
無論讀書好 音樂好 運動好 都係同一道理

認同OP 所講好受老豆老母影響
唔祺求老豆老母乜都識，不過唔好阻住仔女讀書溫習 please

利申：父母學歷好低，唔識英文，好多中文字識睇唔識寫又唔識解，打份出賣勞力嘅工，住公屋

由細到大都試過好多次畀老豆老母屌溫書 / 做功課d 燈光燦住曬 + 揭書聲、寫字聲、打字keyboard 聲、同groupmate 傾project 嘅聲搞到瞓唔到覺 (體力勞動工通常都要早起返工，消耗又大，所以好攰），試過厘撚埋去廁所溫書都重係畀佢哋屌

早起去學校做埋d 手尾又迷信話學校係亂葬崗，等晏d 多d人返咗學先好入學校；

放咗學想留喺學校同同學仔溫書操paper 做功課又得，淨係要求我早d 返屋企幫手買餸煮飯做家務 (體力勞動完想一放工返到屋企就有得食）

做乜都好，食飽佢哋個肚最緊要，其次就係唔好阻住佢哋瞓覺，跟住就係要打掃到頭家一塵不染咁等佢哋舒舒服服咁休息，你要讀書做功課？they don't fucking care, 但係讀書成績唔好就會屌鳩你，驚你將來讀唔成書搵唔到份高薪厚職養返佢哋

唉

就算老豆老母有錢，都要你有料考到幾科5**入神科㗎
我鄰居本身無父母幹，讀書都係靠自己，中學都係讀普通屋邨英中，但佢AL炒咗，讀asso一年上翻3大，畢完業之後2年考到入境主任同海關督察。咁証明唔一定要老豆老母有錢先幫到你

當你係狗咁養

讀hku神科，身邊好多同學都無家底，頂多中產
其實好睇你本身學習氣氛，都影響你有冇心機讀好書
當然你本身條命生得好，讀i school / 靠關係入傳統名校，差極都有個譜

你都好有毅力 不過我讀書專注力好低 我喺自修室仲衰過喺屋企

去睇下Hku有份admission report講每科新生家庭月入、住私樓定公屋都好清楚
講真好出奇咩 有錢人學習質源一定多啲
再者優秀既父母都唔會窮得去邊


不過我覺得香港地暫時都未算有錢人玩曬
窮人努力一樣可以
做個護士仔 會計狗 考下JRE post 對低下家庭既細路嚟講都算係咁
當然不能寄望一下子可以追過埋曬人地父蔭既威力

咪就係 根本數據就已經喺晒度
我覺得佢哋好似啲老屎忽 永遠認為後生仔買唔到樓一定係因為自己唔努力
離撚晒地

會

https://www.cedars.hku.hk/publication/UGprofile/UG1516FullReport.pdf

p25
如果係cumulative會清楚啲

利申: 我自己果陣係無補習(二千年後CE)
老豆老母亦完全唔理我讀書既野
溫書既話有靜既空間比我就得
公屋長大 單親家庭 如果唔好打打殺殺或者日日電視開超大聲 或者中學就迫我番part-time揾錢
我諗我都會温到書

身邊都有識醫生係支離破碎家庭長大
所以呢啲野講唔埋
人比人 比死人
只可以講無最靚既牌 係睇你點樣maximize你手牌既power

諗返起以前中二時中文科讀過呢篇文

為學一首示子姪 - 彭端淑

天下事有難易乎？為之，則難者亦易矣；不為，則易者亦難矣。人之為學有難易乎？學之，則難者亦易矣；不學，則易者亦難矣。

吾資之昏，不逮人也，吾材之庸，不逮人也；旦旦而學之，久而不怠焉，迄乎成，而亦不知其昏與庸也。吾資之聰，倍人也，吾材之敏，倍人也；屏棄而不用，其與昏與庸無以異也。圣人之道，卒于魯也傳之。然則昏庸聰敏之用，豈有常哉？

蜀之鄙有二僧：其一貧，其一富。貧者語于富者曰：“吾欲之南海，何如？”富者曰：“子何恃而往？”曰：“吾一瓶一缽足矣。”富者曰：“吾數年來欲買舟而下，猶未能也。子何恃而往！”越明年，貧者自南海還，以告富者，富者有慚色。

西蜀之去南海，不知幾千里也，僧富者不能至而貧者至焉。人之立志，顧不如蜀鄙之僧哉?是故聰與敏，可恃而不可恃也；自恃其聰與敏而不學者，自敗者也。昏與庸，可限而不可限也；不自限其昏與庸，而力學不倦者，自力者也。

回到正題，我覺得年輕人既成就好取決於父母既栽培
但係最終都要靠自己努力，同埋家庭朋輩等環境因素都係關鍵
試問下，如果一個學生佢父親成日酗酒打老婆，家暴搞到永無寧日，試問個學生點樣可以專注學業？個學生冇培養出暴力傾向誤入歧途都偷笑啦！
我自己當年係考AL, 點解恆商每年都出咁多尖子, 最差嘅起碼都有1B1C？因為同輩之間一開始已存在良性競爭，迫使每個同學都上進，好多同學都擔心自己會被比下去

都係嗰句，學習氣氛其實好重要，身邊有一個學長 (大你一兩年級) 做mentor亦差好遠，佢會盡量避免帶你走冤枉路。但我仍然相信，好似某運動品牌既一句格言，impossible is nothing，沒有不可能，只要肯認真及努力，必然會在求學路上得到你想要既目標

但入到U既7成係私樓

父幹講撚到口臭啦
每次呢d post就會有班家底唔錯既柒頭衝出黎話唔關事
培養同資源問題由一開始個教育同環境已經唔一樣
都講得出話無咩關係承認自己係係比人好既環境 所以條路易行過人地 真係咁難咩？

利伸 典型中產家庭

即係身處沼澤好難出於污泥而不染咁解

當唔洗做兼職，有啲父母係會禁足
因為覺得你落自修室係去玩而唔係溫書
就好似你開親電腦都覺得你係打機而唔係上網搵資料一樣 但屋企照樣一日嘈到黑 老母日撚日係度鳩叫鬧人 老豆就放工返屋企咦咦哦哦說教 再唔係就一腳伸你落地 佢地唔會道歉 你鬧返佢 佢地仲覺得你要同佢地道歉

會
點解想走