我隻貓生廯呀

月頭接左隻貓仔返黎，兩個月大，接個時都見到耳仔兩個圈，我仲問點解生癩痢，鼻又有黑點。仲以為佢同其他貓玩整傷。點知到最近摸到佢頸到有兩粒野，整開d毛睇又好似頭皮咁，仲要開始甩毛。睇左醫生架啦。vet種左菌確診金錢廯。要貓仔食藥，我其實唔多想，但個姑娘話個藥量唔影響個肝喎，但喂貓食藥真係好難。我已經用神仙水日日抹，仲沖埋3條毛。都仲未有好轉。日日睇住佢用可憐既眼神望住我。想我解開佢個伊利沙伯頸cool，到底幾時先會好呀

我個隻街貓黎，啱啱返黎個陣都成隻生滋貓咁，成日拗痕r到甩哂毛毛甩頭皮咁，又係買咗藥水揸都唔得
最後睇醫生食抗真菌藥水食咗4個星期先好而家好靚女
BB食藥夾住佢頸皮，用針筒喂塞入嘴角就會開口架啦為咗貓貓好都係食藥啦

用左維特隻神仙水抹左成個禮拜都無好轉，有聽過醫生比既藥膏有類固醇又唔想比佢抹開始食緊藥幾日啦，希望快啲有好轉啦

我隻貓之前都係戴頸cool戴到唔開心
但又無得唔戴 唯有搵款令佢舒服啲嘅
後尾換左下圖果隻就習慣返好多


張圖上網搵嘅

同你情況差唔多
開頭接隻貓仔個陣都係兩個月大
佢係前主人個邊有生過癬之後好返過
接手之後可能因為環境 佢唔熟悉
D癬又再復發 之後睇醫生無開要食藥既
淨係早晚消毒癬個位 再搽藥膏
好似過左一個月多D左右 佢慢慢開始好返

佢有癬個排 都日日清潔屋企
令到環境乾淨D
個陣幫佢戴個套
佢好唔開心會係咁喵你
叫你除左佢
最好唔好成日除左個套
除左食野既時候可以除 其他時間都戴住
令佢習慣下戴頭套就會慢慢適應到
最緊要有耐性 我相信你個隻都會好快好返
加油~

樓主加油呀！我情況同你好似，都係月頭接貓貓，最近發現佢生癬，睇咗醫生，宜家日日食藥搽藥膏，希望你主子同我主子都快啲好返！

我都買左個煩似架，但帶左呢款佢去唔到廁所

生癬都仲有得醫。。
我個隻3歲突然過敏，皮膚一撻撻，食左半年低敏糧，睇左成皮野醫生，食幾月藥一直返發
最煩就係test左唔係生癬
唔知對咩過敏，定係突然抵抗力差
岩岩抽血去驗，又無左4千蚊

係邊間猫舍/寵物店買架？