如果你問我,最近最沉迷既遊戲係乜, 我可以話你知係 逃離塔科夫(Escape from Tarkov) ,一隻結合左 模擬現代射擊, 極限生存同大量軍事元素既遊戲。
故事背景設定係俄羅斯城市塔科夫(Tarkov)，那裡的街道遭到俄羅斯軍方與聯合國武力的包圍，玩家要嘗試在孤立的塔科夫尋找出路，玩家將面對致命的威脅，並且有機會挖掘城市背後的秘密。
聽落好似普通既FPS 遊戲? 你錯啦, 你係COD 入面既主角, 有主角光環俾人射十幾槍都唔死, 你更加唔會好似Rainbow six 有一堆角色技能俾你探位,搵到敵人,全靠你既聽感去辨位, 槍聲, 敵人既腳步聲, 俄佬既大笑聲 (其實夜媽媽… 聽到好恐怖….), 以下落黎我會講下隻遊戲有幾點係, 你買呢隻遊戲之前, 你要做好既心理準備.
1. 遊戲擬真
遊戲擬真方面係採用現實方底去呈現, 例如 腹部中槍 會造成大量水份不停流失, 如果身上無 <緊急手術套裝> ,緊急手術套裝通常都係醫療室先會有, 或者其他屍體身上, 如果無的話 只可以靠不停飲水同藥包補血, 撐到去徹離點, 當然呢個只係其中一個會出現既狀況, 仲未計你腳中槍會行到UN 下UN 下好似跛左咁, 如果你 team up既話都可以靠隊友Carry你, 如果唔係的話, 真係危危扶, 你就好似一隻綿羊.. 有一大堆狼侯住你呢舊大肥肉。
2. 投資風險
投資涉及風險,你我都明, 但點解呢隻遊戲會同投資掛勾呢?
因為每次入場時, 你需要準確 子彈, 藥物, 槍械, 防彈衣 , 頭盔 << 小不免都要十萬廿萬..
一死就全套無曬, 個場就好似白行一樣。
正如之前所介紹, 呢隻遊戲除左槍械好重要之外, 錢都好重要, 點解錢咁重要, 如果你有睇三國演義, 點解孔明要「草船借箭」啊? 因為窮呀!!! 現實既你要打工賺錢, 呢隻遊戲一樣要! 每粒子彈平既就幾蚊一粒,貴既就百幾蚊一粒, 更會上到成千蚊一粒, 每種子彈都有唔同既穿透性, 如果敵人著重甲 (5,6LV) , 你用平子彈,真係射一日都未射死佢。
每次你進入戰場時, 你有機會拎到一堆有用既物資 例如: 電腦鋪可以執到顯示卡, CPU , 燈 之賣既物品, 呢D物品除左係用黎擴建你個設身藏之外, 亦可以將物品變賣俾商人賺錢,去換取戰力。
你無睇錯... 遊戲由於有大量版權... 所以會出現好多現實都有既物品, 圖上既係一個小米充電器. BTW 帶係身上唔知會唔會爆炸....3. 極度唔新手向
如果你自以為有玩過COD, Rainbow six 打RANKING 都可以去到幾高既排位, 黎到呢度, 你可以當係一隻全新既遊戲, 基本上遊戲講求既唔只係你既槍法, 你既裝都好重要 , 槍械同子彈既配塔 會相得益彰定係相形見拙呢, 我玩左呢隻遊戲幾時, 一開始新手上場最好係有老手帶你玩一段時間, 到你學滿師既時候, 你可以自己出去冒險又或者組團帶返新手一齊升級。
一個小小既心得, 玩左呢隻遊戲幾日, 其實遊戲入面好多高手, 都算多人肯帶新手去探險, 相反遊戲內仍然係有一堆, 等級非常高, 但每次入場都係只求拎資源, 不停去要求高手帶路既玩家。
我自己係比較享受同一班等級差唔多既人, 一齊去冒險, 或者會行錯路, 或者會死,但係一齊摸索既感覺真係好過企係度, 剩係執物資做 Free rider .
雖然講左一大堆,好似係壞處既野, 但遊戲內仍然有不小引人入勝之處, 如果唔係我都唔會特登砌部新機去玩呢隻Game:
_________________________________________________________________________
1. 完美還原槍械
遊戲廠商為左呈現返槍械既真實性, 槍械上膛, 射擊既槍射全部均錄製於 軍事基地
遊戲上可以選擇既槍械同改裝既部件,係我暫時所玩過既射擊遊戲入面係最多的
9MM 手槍, 配上有84 發彈藥的彈鼓彈匣（drum magazine）基本上射起黎就好似隻小型衝鋒槍一樣, 仲可以配其他部件, 瞄準鏡同滅聲器等等…
我個人… 就想要支全改HK416, 始終係情意結呀嗎!
2. 人物育成
同其他類近遊戲, 例如 PUBG, H1Z1, 遊戲入面最大分別除左括荒之外, 仲有育成元素, 人物跑得耐你會提升耐力, 人物拎野拎得重, 會提升力量, 基本上一個人現實中有既能力, 係遊戲入面都可以體驗到, 令到玩家會擺放更多投入感入去, 可能會諗, 今日不如唔好槍戰啦, 呢段期間做多D運動, 係遊戲入面跑多D 步, 鍛鍊一下耐力XD
自問唔係一個射擊遊戲能手, 但係如果你地有興趣想知多D呢隻遊戲, 又或者入坑既可以隨時問我, 我知道既一定會答你地,祝大家成功逃離塔科夫。
將來我不會定時直播 如果有興趣可以黎睇下: https://www.twitch.tv/hcp999
其他驚俾唔到呢種刺激感！尤其係無啦啦俾PMC打死個下！
要引人入坑？樓主介紹下新手用咩價位去買隻驚啦
利申2日前用8折買最貴個包入坑
你用得PMC都預咗實牙實齒去殺㗎啦，反而用SCAV扮電腦呃下人之後再哩係12邊等人打餐打死執野個陣整番槍皇天擊殺
仲撚正