講下自己個 case，本身都知自己有呢個性格缺陷
但呢一年半拍拖後更加嚴重
我同男朋友都係自尊心好重嘅人，所以小小嘢就會升溫得好快，變成嗌交，同埋會講難聽嘅說話，得勢不饒人，甚至會為咗贏場交而特登講嘢傷害對方。但講完又後悔到仆街，感情一日一日咁磨蝕。
到呢兩日又係咁，感受到大家都累啦，可能真係會散。但始終唔想言和，覺得唔係自己錯曬。心裡面好唔捨得無咗佢，想好好地咁對佢好，但行動上就係唔做。
最後嘅結論就係自己真係唔適合同人一齊
樓主，我男朋友話我自私，只係對自己好。其實我覺得佢講得啱，因為太保護太愛自己，所以唔會忍讓人地，唔會放低自己，好容易起鋼。如果我地唔想咁樣一世，我地真係要改變，呢個世界唔會咁完美真係有所謂救贖，無人老奉要包容呢種自尊心太強嘅人。
某程度上都係自己lor黎，如果真係夠愛對方，我估就唔會捨得佢地受傷。我地呢度叫完春，都要好好面對呢個現實。我地雖然覺得自己好愛對方，但外人睇上黎，呢啲都係包裝自己係好人嘅藉口，因為愛係要行動㗎
利申：覺得自己無得救
一方面想要有親密關係 一方面係咁逃避，我都唔知自己想點
可能真係怕擁有過然後失去
