大家真係覺得豉油佬係24小時on call，呢排太忙真係早左訓，點知一起身就見到大家咁精彩既留言，我真係🤦♂️
首先回應番大家既疑問：
1)昨時在電視上的一個節目曾經到我們店內拍攝，而主持們有用我們的產品（不是贊助）
2) 於節目後有一段宣傳我們於該公司網店上架的宣傳片段（我們並沒有付任何費用落廣告，純粹係佢地自己安排宣傳網店用）
3) 點解係果度有網店？事情早於2018年尾-2019年頭已經開始設立，當時（或者到現在）我地都係一間寂寂無名既老牌醬園，網上生意係新嚐試，所以當時就開始了
總括而言：
我地並無在電視上賣廣告，仍無咁既閒錢去做，悦和遵從創辦人既意思，多年來將資金放在最重要的每一件產品上，為的是將品質同安全既醬料帶到各位用家手上。
我地都係做生意既人，公司旗下要養活既家庭近百，我地無能力，亦都無資格去篩選我地既客人，我地同樣係呢個困境或疫情中求存。正如一直以來都會有人問點解我地比貨網店士多，bigbigshop等，為左宣傳同等公司多d人識？係架！如果唔係近半年有個豉油佬同大家一齊站出來，facebook上呢4萬幾個like都唔會出現，有95％人都唔會認識悦和，呢個於我地黎講就係鐵一般既現實，可能你會覺得我扮抽水厄like厄生意，係唔係扮野大家自行理解。
我背起公司牌頭去抽每一次水，每一次都會有正反兩面既說話，難道我唔怕有日收工比人打？但正確既事唔怕講，因為我相信黎明總有天到來。