一直都有試唔同嘅豐胸產品同方法，豐胸丸、食補、豐胸霜、出去美容中心人手按...etc. 但對我真係一啲用都冇，好似食咩做咩都唔吸收咁。一直喺ig都見到好多shop賣啲自己同自己打嘅豐胸針，之前係完全唔敢亦都冇諗過買因為自己打針好似好恐怖咁，但失敗咗咁多年咁多方法之下，見到啲效果圖咁大對比又講到點安全點唔痛，又話係直接吸收所以一定有效同普通豐胸丸差好遠，啲好評又講到打兩針就升咗一至兩cup點勁點勁，結果都係忍唔住買咗十支(一盒)試下。
一個禮拜打一次每隻手臂打一支，即係要打total五個禮拜，打完第一次之後過咗四五日真係feel到對胸漲下漲下咁，但過多幾日之後我子宮好痛跟住流血，但明明我打針之前12日先嚟完m同埋我period係準嘅，計番差唔多排卵期時間，以為自己可能係排卵期出血啦所以冇咩點理，冇聯想到可能關支針事。到打完第二次，出血冇停過，同埋心情好差，係冇嘢發生但會突然間好抑鬱好想喊好炆，跟住個人好攰，啲關節好似散曬咁完全唔想郁，每晚到半夜四五點都瞓唔著，但明明個人同精神都係攰嘅，但就係瞓唔到，就算瞓到啲睡眠質素都差咗好多，最重要係出血呢個情況係持續咗兩個禮拜，我就開始覺得係支針嘅關係，於是我上網search咗幾個鐘，喺google search呢隻針頭幾頁都係廣告同埋好評，要碌到好後先至見到原來啲泰國人妖變性人都係打呢隻針嚟變女人，可想而知啲激素多到痴線，隻針係極高劑量嘅雌激素同黃體酮，打一針同一次過食十幾粒避孕藥冇分別。用中文search只係會睇到好多廣告，所以我試下用英文嚟search，一search就見到呢隻針係俾啲月經失調、閉經、不尋常出血嘅女人打，而個胸漲只係佢其中一樣嘅副作用，一次過入咁多激素個胸緊係會漲啦，keep住打生cancer都似。我打咗兩次就冇再打，距離上一針已經過咗13日，而呢13日都冇停過出血。
啲Shop根本就係攞啲副作用嚟做selling point，恃住個包裝係泰文就冇人知，長期打呢啲激素隨時生子宮瘤，啲變性人咁短命都係因為打得太多呢啲針。
最後，冇錯打完個胸係會大啲，但真係搵命搏，呢隻唔係豐胸針，係激素針。唔好再幫襯呢啲shop啦。ig hashtag豐胸針就會知係邊隻針
對我唔work
希望你快啲身體回復健康
飲下藥調理番
