[KPOP] 2020 K-pop討論區(3)

又唔係冇靚仔嘅
只不過唔係特別靚仔 同埋辨識度唔夠高

一年韓國都唔知出幾多呢d團
如果唔係掛住防彈師弟呢個名，點會有人留意呢個配置既組合

聽左BTS新歌，其實幾洗腦下
唔係講笑，外國人應該幾like呢type
唔知去到Grammy會唔會有獎拎
BTS就係sell呢種hardcore既歌先最吸引
個人覺得好聽過DNA同Idol
韓國可能唔討好但外國反映應該會唔錯

利申：巴，有留意BTS但唔稱得上係fans

BTS 首 ON , 睇埋中字 加黑衫, 豬咀,
幾有HK抗爭FEEL

好似啲戰爭進行曲咁
好撚洗腦
睇埋啲歌詞好激勵人心果啲黎
個MV又拍得咁撚型

啲歌詞其實幾激勵
又黑衣黑口罩豬嘴

韓國曝光率不嬲都要睇資源同彩數（如果不論實力的話
大把有實力既無人識（或者有實力但公司廢）
又大把好似唔夠料但日日都聽到見到既
TXT的確因為師兄而曝光率大增
但最後留唔留客都要睇佢地自己
目前為止佢地表現其實都幾好 都有出眾既地方
如果你話如果無師兄，無人會睇佢地
正如上面講好多勁但無人識既團
你諗下EXID Up&Down 爆紅時已經過晒打歌期
只係要一個契機比人認識到佢地
如果無個fancam就無人識EXID呢個名
佢就可能變成你筆下 呢種操作本身唔會紅 既團
TXT的確因為師兄所以多人會留意
但只要佢地有做好自己 做好音樂 做好表演 有再進步
就唔需要咁多「如果」去覺得佢地本身唔會咁紅

如果大公司出但好廢/hea底就另計

外國人應該會鍾意依type 首歌好適合performance 但都真係冇咁好聽

個人覺得如果佢哋15、16年嗰陣係用依首或者bwl做主打嘅話 應該唔會咁紅
I need u, run, fire, 血汗淚 依啲真係非fans都會聽 感覺上更加熱血激昂

唔洗咁激動
如果係有才華既，總有機會上位

但作為路人唔止我，好多人暫時係見唔到佢地有邊d特別勁或者吸引既地方

身為飯就話等佢地進步姐
路人你第1次吸引唔到佢，都未必會有心機睇第2次

至於做好音樂
佢地又唔係sell自己作曲作詞，做咩音樂姐

我指要有好歌姐
如果你好勁 但唱親都垃圾歌
都係無人會聽你 咁既意思
就算唔自己寫 公司如果自由度高
你都可以一齊揀demo 姐

我覺得今次首主打同side track都好歐美風
可能為繼續打入歐美市場 音樂上迎合下歐美市場掛

其實突破kpop傳統嗰種框架唔好咩？
BTS其中一個紅嘅原因 係佢地自己做自己嘅音樂 歌詞自己作 講自己嘅故事同睇法 同一般kpop工廠式嘅口水歌 講嚟講去都係情情愛愛嗰類唔同
佢地鐘意邊類曲風就作邊類 嘗試唔同風格（都有其他團嘗試緊 不過好唔好聽係另一回事）

原有kpop嚟嚟去去都係嗰幾類 歌詞一係九唔搭八純粹貪順口 一係就大部分歌都係講情情愛愛 旋律好聽但內容空泛嘅歌真係多到數唔曬 聽左咁多年真係會覺悶

Btw 聽BTS嘅歌一定要睇歌詞 與其用4分鐘聽首唔知唱緊乜嘅歌 不如用4分鐘聽下首歌講緊咩故事
唔只係BTS嘅歌 所有kpop歌都係 睇歌詞會有更多得著

想知某國小粉紅點睇

d人應該唔會放大睇，除非係成員戴豬咀就會唔同哂啦

突破唔係唔好，但佢又要韓國市場又大野心攻歐美用歐美果套審美，結果兩樣都做得唔好兩邊不是人
15、16年係顛峰但依加係唔係都要整d link番以前作品既伏筆又時不時拎花樣年華出黎binc,好好地完左佢唔得既搞到成個廢佬咁消費以前既光彩
近呢幾隻碟既歌首首mix電音重到以為佢地唱歌好難聽要遮醜咁無晒特色，花樣果時咪好地地
依加佢地出既碟係睇佢地幾有名氣同邊D外國出名音樂人feature，對比番以前都唔知少左幾多佢地參與，感覺好陌生

利申 army

少咗參與訓撚醒未

13首新歌
RM參與咗11首
Jhope 9首
Suga 3首
個名仲要排得好前，姐係作咗好多part，
唔係掛名就算，行程咁忙你仲想佢地參與多幾多

你可以話taste唔啱你
但變風格又話迎合外國，唔變就話食老本
佢地宜家又唔止係kpop男團,作下外國風有問題咩

同埋花樣=佢地本身，佢地未散一日都未完啦

sorry打錯,suga係6首

係囉⋯⋯都做左top 仲要成功攻埋美國市場
得閒開下巡演都夠

少咗參與
睇咗新碟製作人個list未，首首都有佢地個名出現
另外四個仲多咗參與你同我講少咗

屌你，成隻新碟都好難聽


以為bulletproof會有驚喜，玩番舊風格，點知又難聽

ugh!先似bulletproof系列既歌
反而係大部份歌名同風格唔match
唔跟名聽好好多

講下依加存在既問題就起晒鋼唔怪得出面既人怕左army啦
鬼唔知佢地大部份都有份作咩你咪睇下以前既歌有幾多人整依加既歌多左好多外國人參與，咁佢地佔既部分一定少左好多啦係咪分餅既邏輯都唔識 你聽下mixtape佢地自己創作同主打歌既曲風分別囉
我無話外國風有問題我重點係兩邊都做唔好呀 要行外國審美但你睇下佢地comeback photo果種韓國審美又唔係外國潮流又唔到果種尷尬感先啦


以前花樣係同佢地既主打同album連連相扣，就算演唱會都係以呢個為主題，依加行左外國風講既主題又唔同左concept又唔同，好你話歌詞都仲算講緊佢地成長都算花樣有關，但你明唔明本身官方係將花樣包裝成擬真擬假既故事，個重點係佢本身有個虛構人設呀，成日失驚無神咁彈出彈入，當故事咁睇既人以為完左又被迫睇住佢勉強寫到爛 最憎人hea9我答花樣=佢地本身呢d仲算厄得下路人既答案，佢本身係有虛擬世界觀既故事呀 佢地可以再用花樣年華既concept發展新既故事線，但當一個有咁明確既人物設定同背景既故事唔係咁客易將佢變萬能key套入咁多album既concept囉

花樣年華都未完晒 邊算時不時消費 故事線係咁架啦
如果佢停晒唔再講我就話返佢轉頭
15、16年特色之一就係故事線既延續性
依家只係繼續一直做緊既野 唔覺有問題
唯獨佢出劇我就唔妥佢喇 prefer佢繼續出漫畫算

多左機會同其他 artist接觸對於音樂人/artist本身好緊要，咁先學到野。有時合作既係 producer, 有時 choreographer，有時係 singer/rapper。佢係多左人參與，唔係少左自己既參與，今次每個成員都有份，大家都嘗試緊學習緊。

歌曲風格（唔止主打 包埋 side track ）根本一直徘徊喺最初既 hip hop，同不斷嘗試新野之間，咁先學到野，artist 先搵到自己既其他面貌同可塑性，咁樣先係好多人欣賞既防彈，唔故步自封，但又𣎴忘自己hip hop 起家。觀眾成日都係咁架啦，因為你既 artist試新野你聽唔慣你就覺得佢變左心。如果防彈唔試新野，就唔會有你口中15、16年既顛峰。

我當DNA佢新試EDM但重手左，（一部分可能因為轉主題而試新風格，好似Bwl 咁）咁依家佢係成熟好多既電音（算係咩？）喎，fake love/bwl 都唔算特別EDM姐，未好似出花樣嗰陣，夠有 army話唔鍾意佢地轉向pop，你咁欣賞既15、16年未打臉緊你講既野，可能你無咁鍾意EDM覺得佢地變左心 但唔代表佢地就係，而且 Love Yourself/Persona根本勁多舊風格既野滲係入面，只不過同時多左更多面貌，多左成員獨特面。人對音樂既認識同喜好係會不斷擴展，我鍾意既音樂人都好鍾意用好多新元素，有時可能少少 fail ，有時唔乎合觀眾期待既野，但無損我對 artist既喜愛，因為過多陣佢就變得更成熟更得心應手咁返黎。正如我上面講，呢個先係防彈最令人欣賞既地方。你覺得佢想迎合外國市場，但佢洗鬼迎合咩，我覺得佢地想跳出kpop 呢個遊戲既框架，唔再着泥於「我只係做緊kpop 音樂架咋」咁去試佢地自己喺hip hop/pop以外自己都鍾意既音樂。你講多唔多電音都要睇佢地首歌講咩/做緊咩風格，以前都唔係無重電音既歌，同樣地依家都唔係無 acoustic多啲既歌。

https://www.facebook.com/144589512304563/posts/2804205909676230/
唉，宋茜