［認真］分開一段時間真係可以記得翻對方嘅好 然後再復合？

同女朋友一齊咗3年
最近大家都發多咗脾氣 雖然好小事
尋日佢話不如分開吓 冷靜吓
可能會記得翻我嘅好
雖然最後氹翻 因為佢自己都唔捨得
但係我相信大家心目中已經有條刺

乜分開真係可以記得翻對方嘅好再復合？

有無巴絲有類似經歷分享吓

推

我再推

所以應該趁佢仲唔捨得嘅時候珍惜
分咗就無得翻轉頭？

緊係想為佢而改啦
只不過一時三刻改唔我有努力過 亦都覺得有進步
點知原來喺佢心目中係無改過
大家都認定咗大家 亦都有諗過將來
唔想因爲咁小事散
但係無可否認認段感情或多或少都變咗質
定係好正常 只不過係熱戀期過咗？

當初我都以為我個ex係我最後一個 我都以為我地唔會咁小事一鬧交就散 點知咪又係變左ex
分開冷靜下完 大家各自有條刺係個心到吉住吉住
你以為可以變翻以前咁？ 太天真了 得你一個咁覺得
你以為你為佢改 佢就會珍惜你？ 咪玩啦 佢乜柒都睇唔到
你以為熱戀期過咗 就應該係咁？ 佢唔夠愛你渣

分左4、5次 依家超穩定 其實係睇分手嘅原因係咩 同埋復合嘅時候有冇改善 如果重視個問題 基本上分手再復合係會磨合得好左 越嚟越夾

我地大家都知翻唔翻去以前
但係我覺得 咁又點姐？
唔通返唔返去以前就行唔到落去咩？
咁唔通拍咗拖10幾年嘅情侶仲係好似啱啱拍拖嘅時候咁？

我著眼嘅地方唔係想問大家點先可以翻翻以前咁
而係由依家開始應該點做先可以開心繼續行落去

絲打我想問吓分開嘅時候你地仲係朋友身分？
仲會唔會同對方傾計又好乜都好？

當今次分手嘅原因係因為我衰
分手以後 對方會唔會都睇到自己嘅問題呢？
絲打可唔可以分享多啲

如果你想行落去 你淨係可以不斷付出不斷改 改到自己變成另一個人 除非你甘心為呢個人去改變 唔係既話 你並唔會開心
但前提係 如果佢無想行落去呢個諗法 佢只會不斷冷淡你 令你覺得自己唔知做黎為乜

我同老婆結婚10年，因為多年積累落黎既問題，今日開始分開1個月

女人分左手就無啦 好絕情

咁耐以嚟第一次分開？
有無信心復合？

我知道我嘅問題 亦都知道應該要改
所以都無話覺得唔甘心去改 無話會唔開心

所以講到尾如果對對方有信心 分開咗會等你
最後復合反而會係磨合咗 會比以前更開心？

你地分開嗰陣有仲會唔會揾對方？

無，因為我知道佢出面有第2個

幾次都唔同情況 試過有一次真係分左幾個月咁 分左手之後都冇搵對方

但基本上我每次分手都係因為鬧交
所以每次都係分手之前講晒大家嘅諗法出嚟先
我諗如果係咁嘅情況 正常都會各自反思嘅
至於搵唔搵番對方 就要睇下本身係咪真係好愛喇
如果一直都放唔低 就會搵返對方 叫做道歉認下衰先
愛你又心軟嘅話 基本上都會受嘅

以前分手嘅原因多數都係佢一直喺度忍我
當佢一爆嘅時候 就一下子講分手
咁講真其實都唔抵啦 所以之後自己都會盡量留意多啲一啲壞習慣
因為以前一直keep住呢個壞習慣係因為佢一直冇講到 以為冇問題
但知道咗之後知衰 咪改囉（如果係我衰就會主動搵返佢）

慢慢分完又了解多啲 又改善多啲
就由當初好小事就話分手 去到之後真係發生比較大問題嘅事 先至會講分手

之後就會越來越少講分手了

無啦 大家都要時間 既然分左手 就唔想再糾纏 留翻少少尊嚴俾自己
但其實 我仲未放底。。

咁我想問吓你要改嗰樣嘢係可唔可以避免到？
避免到就唔洗分開 改完再一齊做嗰樣嘢？

例如我個case係打機嘅時候發生嘅
避免到姐係分開打機 到改完先一齊打翻
呢個情況又洗唔洗分開呢

我嗰啲問題都係比較係個人生活上嘅壞習慣 例如遲到咁
反而我想知打機點樣可以令到大家分手
因為太雷？