終於得閒下報下今日公司嘅賽果
11:00 首名球員入波,一眾球員撲過去熱烈祝賀之際
TB打扮肥妹話:咦,隻花嘅顏色咁樣衰?咩品味黎架?
球員立刻和議:係囉,咁醜樣嘅?等我睇吓邊個送嘅,打去屌柒佢先
之後睇左張卡係無署名,就話要影相問係邊個送
球員不停講最憎呢隻色,隻色好樣衰,講左一個鐘咁滯
差不多12:00 第二名球員係reception拎左花入嚟,一眾球員又撲過去熱烈祝賀之際
TB打扮肥妹話:咦?你架札花?
球員:係掛,睇下張卡係咪先
TB同球員一齊好積極咁摷,但都揾唔張卡
TB:喂,你唔好扮嘢拎左人哋札花喎。我d friend話送花嚟俾我架
球員:下?我唔知喎,reception叫我拎架炸
15分鐘後,第三名球員入波。由於地位比較高,所以一眾球員都係行去握手祝賀同數下有幾多枝花
之後聽到TB係佢個位話:我朋友問我借錢呀,話想送花俾我
而隔離department女同事就周圍行埋去影人哋d花