榮譽會員:間諜巴打(教大家月供2800), 朱千雪讓我哭巴打
月供po狗鐵主席: i-vtec （尚欠每人50加1股2388）
新手知識：
問：咩叫月供股票？
答：每月用你指定既金額，購買你指定既股票。
例：你set左月供$2000盈富、$2000騰訊、$2000匯豐，假設你用一通黎做月供，會係每月既第五個交易日買入。假設盈富個日係$20一股，你會買到100股，騰訊係$201一股，你會買到9股，即$1809，銀行只會扣你$1809。
問：月供股票有咩好？
答：
1）低入場費：如果你睇好騰訊，但佢一手要大約兩萬蚊，但你冇咁多錢，月供就幫到你。你可以每月$5000咁供。
2）平均成本：假設騰訊三個月既價係：$170、$180、$190，你同樣都係月供$5000，係第一個月你會買到29股，第二個月買到27股，第三個月買到26股，變相平個陣買多啲，貴個陣買小啲。個平均買入價會係$15000/(29+27+26)=$182.9。
3）減低心理因素：由於每月都係指定個日入貨，我地唔需要睇價入，平時好多時會見佢貴，冇入到，點知就升到咩咁。
問：啲碎股點算好？有冇息收？
答：碎股係可以放同埋係有息收的，唔需要草夠一手先有。
問：用邊間？收費如何？
答：主要都係推介呢三間：匯豐、一通同致富。
匯豐：月供買入無任何費用。存倉每月$25，收息費照正常價，即股息0.5%，最低消費$30；紅股每手$5，最低消費$30。無分月供倉或正股倉，無雙重存倉收費。
P.S. Premier免存倉，耐唔耐亦有特選客戶免一年存倉。
https://bit.ly/2EWmnkR
一通：所有交易都係$5，收息每次$5。如果你月供3隻，每月就係$15。收息費$5+股息0.12%香港交易所費用，紅股每次$5。無存倉費，無分月供倉或正股倉。
http://www.i-access.com.hk/fee_c.html
致富：每隻股票每月供款頭$10000免佣；即係你供100隻、每隻$2000都係免佣；其後收0.0675%(無最低收費)，另收印花稅、交易徵費、聯交所交易費及結算所收費。以供1000蚊爲例，印花稅、交易徵費、聯交所交易費及結算所收費合共$6.08
收息費0.2%，最低消費$10。無存倉費，亦無分月供倉或正股倉。
問：有咩記數app?
答：Ticker。非常清晰咁記錄你既交易同會自動幫你計你個平均買入價。
或者自己整Google Sheet
問：比較受歡迎既月供選擇？
答：盈富基金、煤氣、匯豐、領展、港鐵、中銀香港、中電、建行、騰訊、港交所。
問：＿＿幾號截數唔畀改、扣數、買入？
答：
匯豐：扣數日為每月八號，如當日為禮拜六/日或公假，則提前一工作日扣數；截數日為扣數日前五個工作日；買入日為扣數日後第三個工作日，入倉日為入貨日後第二個工作日。入倉日後第二個工作日寄statement。
一通：五號十點前入數，五號會買入，如紅日就下一個交易日，statement會係第二日就出。
致富：扣數日為每月第五個交易日朝早八半前，截數日為扣數日前一工作日凌晨十二點前（即係可以睇住黎食）。買入日一樣係每月第五個交易日。
問：mark數入唔入手續費好？
答：自己諗
問：點解仲未扣數/入數？
答：睇上面日子，過左都未有打去問CS
講住咁多先，其他留待其他巴絲補充
此post純屬討論，並不為任何投資決策負責。
月供心法：
我最近有個諗法，短炒盈富基金。
一次直接買幾手，然後每次比買入價升 0.2-0.3 就走。
假如不幸坐艇就變為比較長線嘅供股，即係每過幾個月又入多幾手，直至升返有一定盈利就走。
因為每次買入賣出加埋都係50蚊唔洗，所以出現咗尼個諗法。
尼個諗法會唔會有問題，求指教。
cr:某巴打
月供po港鐵主席ok-i笑話幾則:
垃圾妖股