因無感覺而分開 真係一個分手理由？

我地一齊咗三年
我地之間好多野都好夾
新年前 所有野都仲好地地
最近新年+疫情
佢多咗好多時間自己一個諗野
佢係一個怕麻煩而且好易諗諗下野就自卑嘅人
係咁嘅情況下 佢無端冷處理我地嘅關係
早兩日 佢突然同我講 想分開下
佢話因為無感覺 唔再掛住
突然發覺自己原來一直都無諗過下一步嘅發展
我覺得因為咁而分開真係太可惜
大家覺得呢?

唔係 但的確係

一齊左4年
基本上所有野都好夾，好有默契，諗埋第時將來
去完實習番黎我好開心咁想見佢一面
結果佢同我講話對我淡左
然後沒然後

我愛情觀入面，真係點都無諗過會有呢個分手理由...覺得呢個真係唔係理由黎

人生咁短 無感覺仲一齊黎做咩

正確✅

都係無第三者出現？
唉..我覺得係依家呢個世代，好似都唔再會有長久而為咗共同未來嘅感情咁
個個都只係想拍一陣拖

無感覺真合理
唔想太hurt你
冇講出口 係嗰句：「其實我唔愛你」

假設冇外遇
真係有可能突然發覺自己冇哂感覺
甚至可能一早已經冇左
覺得繼續落去都冇意思
所以 係

因為覺得，拍拖好似唔應該只靠感覺
覺得感覺可以慢慢再建立
佢話同我一齊出街係好開心，不過佢覺得係朋友果隻

無得可唔可惜 都已經無左感覺
勉強一齊無幸福

其實分手洗咩理由 唔愛就已經分得啦

因為咁樣要再去適應其他人真係好攰

無第三者
我一直好努力維持關係，但對方成日都好冷淡
但問題係我都唔想咁樣嫁，然後就一句話淡就離開？
4年對我黎講好長好長
我只不過想搵一個可以談將來的人

你食個包 咬一啖唔好食咪dum咗佢算咯
某啲包可能好食嘅 但唔適合日日食

嗯..我地一直都單方面咁努力維繫修補，到頭黎得一場空嘅感覺真係好差

望住自己曾經努力經營既愛情 好似流沙咁不受控制地慢慢流失 我可以做既只要接受
巴打你都加油

咁係佢嘅愛情觀入面呢？ 唔甘心又可以點，要分手嘅，咩都可以係理由；要行落去嘅，幾辛苦都會嘗試去挽留。挽回唔返就move on，唔好再深陷，點都好 加油

姐係對其他人有左感覺啊

正所謂，矛盾只因深愛著……
女仔係咁，好易諗到好長遠
但係我又明點解有啲人唔會諗「將來」/「未來」，因為喺呢個世代生活真係好難，自己未來都未諗到，點諗埋人哋嗰個

每個人一開始都係好鍾意對方，想同對方長久發展落去先一齊架啦
（除非對方其實無諗清諗楚/睇唔清自己，誤會咗嗰種情感係鍾意；原來佢只想怕散拖，無諗到咁長遠；可能同意拍拖嗰下只係想了解下你適唔適合，而唔係一開始就知道係適合）
但到底係咪真係可以長久，大家對大家嘅感覺又係咪真係咁堅定，可以一野愛到底？

無人知，無人會知。
中間可以有好多野發生，可能突然遇到另一個更吸引到佢嘅，或者大家人生價值觀突然唔再相同。
好多時都係咁啱天時地利人和先至遇到個大家都好愛大家，又願意委身一齊結婚白頭到老嘅另一半。

我係對佢好好..

我覺得又唔係一定要諗咁多將來，都係見步行步
只係想有一個人陪伴... 唔想再習慣其他人