25.12.2019 又一個人的聖誕 - 会津若松
我無話要一定去哂100個名城, 但係最少都睇左十幾二十個,
有啲真係幾廢, 有啲就木造現存天守, 有啲又海城, 有啲又國寶,
上次去國寶松江城果陣睇到啲野幾新奇, 今次去会津若松城, 即係鶴ヶ城, 睇下又有無咩特別野.
btw, 我幾好奇既係入到地下睇埋, 好似松江城咁有地底水井同造鹽既地方,
但係想講鶴ヶ城係用鋼筋水泥起返既, 因為之前果個已經無左(明治廢城令)
大概講下呢座城既悲慘歷史
作為效忠於明治政府既新政府軍同忠心於德川幕府既舊幕府軍既大戰主場之一, 城主後代忠心於守護德川既家規, 令到會津成為戰火既中心, 你諗下理大係點, 又或者長春圍城果陣係點(當然都仲有好大分別)..
即使120年後既市長, 都未能接受到.
響台灣食過一種出面一定食唔到既雪糕, 匠愛家園出既(
https://www.tch.center/blank-5), 本來想響日本食啲出名啲又貴啲既雪糕, 諗著會食到好食過台灣果隻, 應該到宜家為止, 我都未搵到..
御薬園, 同鶴ヶ城好近
如果唔係冬天黎既話, 同埋有識中藥既人黎既話, 一定係個好開心既景點黎, 不過我係冬天黎, 無咩中藥睇之餘, 個景比起岡山後楽園.....唉...
ーーーーーーーーーーーーーーーーーーーーーーーーーーーーーーーーーーーーーーーーーーーー
岡山後楽園
國寶松江城
ーーーーーーーーーーーーーーーーーーーーーーーーーーーーーーーーーーーーーーーーーーーー
最kai既係, 御薬園隔離係間時鐘酒店黎..屌, 個政府點規劃ga
一直坐観光巴士, 又無去搵野食, 餓著等車,果陣同個啊婆等左半個鐘, 個啊婆等唔切打去問點解仲未有車, 原來架車死左...唉...白等之下, 行左去食野, 唔記得係蕎麦定烏冬..食野果陣又飛左幾架車, 屌...
我有諗過行返酒店...
返到酒店, 平有平食, 但係2個蘋果就差唔多等於1個便當, 日本水果真係金造
打到呢到先,
其實得返26號既豬苗代, 同埋返香港前既一啲相..