《女朋友全家變咗隻蛋》（８）

冇追過喎 有咪睇下

肉酸就肉酸㗎啦
就算我點點點
都改變唔到你肉鳩酸
真心對潮文呢個事實

呢度係兒登

屌好撚煩，屌文咪屌文囉，不嬲都係有人屌又有人求文嫁啦，一路以嚟都係咁嫁，做乜咁心急護主，樓主又冇出聲，又冇block 柒，好心就咪撚煩啦。日日係到嘈，on99咁。

文呢 係咪死撚咗？

認同

笑撚死
上面個篇新潮文嚟架
條友擺明玩下膠唔係想屌樓主
啲真心膠衝晒出嚟

文呢！

報個平安好喎

墨巴

兒登愈嚟愈多on9, 以前高登邊有咁多真心直必腸

大家冷靜呀，呢個係最新潮流

你老母係咪中撚左肺炎唔出文呀

我知係潮文 但唔好笑嘅話 就變做多咗

一陣間

直頭係第二個故事

期待

從泉叔同沅彤各有思量嘅表情睇嚟，佢哋都有自己嘅計劃。

根據宋文德所講，我要做嘅係搵一個叫白師傅嘅人，地點係寶康公園，好近Chloe以前住嘅地方。

除此之外，仲規定我要帶八赤刀過去。

睇到呢到，我已經大致猜出宋文德用意，佢想我學刀。

但點解......

偏偏係要搵中依個人？


我冇諗太多，就照佢所講去做。

從宋文德嘅描述，白師傅係個戴住頭巾、著住厚厚嘅破衣爛衫、留住鬚根嘅男人。

我喺公園拎住八赤刀周圍行，途經一堆練緊太極刀嘅老人家時，感覺格外奇怪。

「哈哈，後生仔！」堆啲練緊八極刀嘅阿婆阿伯，笑住咁望住背脊嘅八赤刀：「帶玩具刀出街？練唔到咩嫁喎！」

我唔覺意咁冷瞧佢一眼，佢就即刻收返啲笑容。

而呢班練緊八極刀嘅老人入面，其中企喺最前，面向大家類似教練角色嘅一位大叔，就全程都凝視住我。

從佢衣著打扮睇嚟，我應該經已搵到，要搵嘅人。

「你係......白師傅？」我問。

「你係宋文德介紹過嚟嘅，政？」對方面目間有一份威嚴。

亂入突然有文

一入黎就有文
都係晏啲入黎先一次過睇

「我係。」

白師傅望一望我把刀，續說：「應該就真係你。」

「宋文德叫我嚟係......」

「學刀。」白師傅招招手，叫我過去大球場入面。

望住白師傅嘅背影，我有啲好奇......佢到底同宋文德有咩交集。

「佢同我交代咗，你係個初心者？」白師傅行到球場中央先停低。

「初心者？」

「即係新手咁解，你係個用刀嘅新手吧。」白師傅望住我。

「係。」我承認依一點。

「宋文德過去都同我有啲交情，所以我唔介意幫一幫你。」雖然白師傅有一份威嚴，但渾身都會散發一種頹然嘅感覺：「你依家，試下攻擊我。」

「依家......？」我拎八赤刀上手。

「立即！」

佢咁叫到，我唯有聽佢講，舉刀就跑向佢面前。

就喺我要作勢砍落去天靈蓋嗰陣，一陣強如怪風嘅力度打咗落我刀柄上，握都唔握唔穩嘅我令八赤刀飛脫落地。

「咔鏗......」

我有啲愣然，回過神先知係白師傅出刀，一下打咗落刀柄嘅位置上。

最可怕嘅係，我隻手並無因此流血，佢準確咁唔傷我隻之餘，又打中要打嘅位置。

「咁樣就想對付一隻半神構體嘅生物？」白師傅冷笑。

Push sin

live

「半...半神？」

「唔係你以為你即將要對付嘅係咩？你作為凡人，無強大嘅能力，就只可以用技巧取勝。」白師傅說。


「宋文德以前研究古代刀劍嗰陣，意外同我成為咗忘年之交。」白師傅行過去，將跌咗嘅八赤刀執返俾我：「對上一次佢嚟搵我，就係要我教一個帶住八赤刀嚟，叫政嘅人，對付一隻半神生物。」

紅神目......

到底係一個點嘅存在？

「拎實把刀。」白師傅喻我。

「你相信世上，呢啲嘅存在？」開始之前，我想問。

白師傅又冷笑一聲：「類似嘅存在，我自己都斬過。」

就係咁，我正式接受白師傅嘅訓練。

白師傅主要教我幾個心得，

第一步：搵出規律，每一種生物嘅攻擊方式，都有一定嘅規律。

第二步：不斷閃避，架劍只係適用於人類之間嘅打鬥，面對神怪嘅非人神物，一般都係可避則避。

第三步：搵出破綻，一旦發現對方嘅弱點，就要諗住辦法用手上嘅刀斬過去。