十三日伊朗遊記

其實已經係十二月底去，仲要撞正將軍比人殺，搞到停哂航班差啲番唔到香港

依家被逼停課兩星期冇野做，決定詳細啲寫低自己喺伊朗嘅經歷，亦希望可以令大家（或者某部份人）對伊朗嘅誤解可以冇咁深

如果冇人睇就會自動收皮，亦都係睇心情先更新，大家見諒

留名

留名，想比對下我13年去嘅感覺

留名
同意人生一定要去多啲冷門嘅地方見識多啲，同洗走已有嘅stereotype

其實去之前對伊朗嘅印象都係覺得好近伊拉克敘利亞，有啲危險，仲要買完機票先陸陸續續睇到伊朗示威者被實彈鎮壓嘅新聞，出發前幾日先見到有美國佬話伊朗政府殺咗幾千人，真係有啲想縮沙。

但我呢啲窮撚蝕唔起幾千蚊機票，所以決定頂硬上



因為我去旅行係唔理行程嘅垃圾廢青，一切都係朋友自己傾好，所以我都唔擺好詳細嘅行程了。

由於到步已經係德黑蘭嘅夜晚，冇野好影，所以呢張係第二日準備搭去卡尚嘅巴士上面影。德黑蘭嘅人可以一年四季咁近地望住個大雪山，好浪漫。



到卡尚之後發現旅館勁靚勁chill，好鬼開心。琴晚喺德黑蘭夜晚冇舖頭開咁濟，又冷清。出去凍住搵餐廳食仲要比街邊啲死𡃁仔搵碎石扔，勁驚勁唔適應。

一見到靚靚旅館即刻開心哂，個旅館老闆仲要蠢蠢地好得意，佢隔離係一大片各國紙幣，有香港嘅膠十蚊紙。



卡尚第一餐。究極無敵好食。冇記錯上面碗野有個bowl字。

本身上網搵圖以為伊朗都肯定冇啖好食，點知咁鬼好食，啲肉又嫩又多汁，調味啱啱好，菜有菜味（外國蔬菜真係好食過香港好多），食到我地狂呻吟。

隔離有枱鬼佬成日扮望裝飾𥄫我地食咩，最後竟然叫hamburger

啱啱寫完一篇就即刻整個番外篇先。

伊朗嘅貨幣係極複雜的

由於我去旅行係靠朋友plan，乜鳩都唔做，所以去到先知原來佢地有兩種貨幣叫法，一個叫toman，一個叫rials。

我初初以為係兩種貨幣制度，點知原來得一種（rials），呢兩種係貨幣嘅「叫法」，分別在於rials多一個零。

toman係平時伊朗人叫開嘅，rials你可以當係政府屎忽痕整出黎。例如一支水係2,000 toman / 20,000 rials，但因為太多零，所以平時啲人會叫兩蚊，姐係toman要減三個零，rials要減四個零，係咪超煩呢。

不過仲未完，我自問心算都叻，所以想好似港紙兌日圓 (100yen = 7 hkd)咁幫自己計物價，所以又要搵條式出黎。

因為伊朗比美帝制裁，所以一定要帶夠美金去。當時係129,000rials :1usd 左右嘅匯率。經過我坐喺度等sim卡有服務嘅半粒鐘計算之後，就得出咗每100,000rials就等如6蚊港紙嘅心算公式喇。

換句話講，機場嘅一支細水只需要1.2港紙，係咪好平。事實上，因為政府上調油價唔理市民生死，令貨幣瘋狂眨值，所以其實全部野都平到痴線，行入高級港女style cafe竟然廿蚊港紙都唔洗就有一大舊靚cake食。所以成個trip所有洗費連一萬都唔洗（我計過係9916蚊），平到唔信。

但呢種抵呢種爽嘅背後係平民嘅無奈同辛苦，就好似香港茶記食碟頭飯由60蚊變180蚊咁（幾個月就眨咗3倍），人都癲。而背後亦有好多勇武義士流血而死，但事實仍然令人無奈。

講番正題，相入面好多都係50,000 rials，好常見，換番做港紙大概係三蚊，所以我同朋友成日叫佢做三蚊紙。

亦因為眨值，幾乎個個都會有一大袋現金可以隨時同你唱（遲啲會詳細講）。

寫寫下就變到勁長，但因為唔想自己尚餘記憶會就咁冇咗，所以諗起乜都寫低哂。再加上本身冇諗住寫遊記，所以好難圖文並茂而相符，大家見諒

Lm

Lm

lm

LM

lm

留名

toman 同rials係因為大約12年前
美金兌伊朗錢係1:1000toman
所以d市民用toman 黎方便講1USD

我4年前去100蚊美金大概110萬rial 好似係

lm
諗過8月去比中亞太陽曬死 但係而家咁樣唔敢plan

推

七月去完 好熱但好正
差唔多成個Trip都用Couchsurfing

唔會
4年前都講緊35000 rial ：1usd

LM

補番張喺同一間餐廳影嘅相機相。

大家可以見到啲玻璃反射出黎嘅光好靚，我同朋友好興奮咁喺嗰度狂影相。相入面嘅呢對小情侶望住我地

然後，個男仔突然問可唔可以影下佢女朋友，個女仔就勁怕醜，望都唔敢望我地，係咁輕輕打鳩佢男朋友叫佢收皮。我話冇問題呀，不如你企呢個靚位，個女仔就係咁話唔洗唔洗，紅都面哂，佢男朋友就無奈地放棄咗。



食完野搭的士，竟然撞到個好yo嘅的士司機，係咁介紹景點，揸住車都可以拎一堆地圖出黎，之後仲停埋車逐個景點指。講多幾句，佢仲突然間叫我地去佢屋企食晚餐。

雖然知道伊朗人有呢個文化，但畢竟可以話係旅程第一日，就已經咁快遇到，所以有啲愕然（最後去咗）。

上面兩張圖就係佢帶我地去嘅兩個景點，冇咩特別印象。但第一次知道去某啲寺嘅時候，女人要再披一條遮住全身剩係露眼嘅布。

我兩位朋友隔幾秒就跌一次，露哂頭髮，個司機係咁幫佢地整番，不過同時都話其實啲人都知遊客係咁。

我去個陣都幾凍，尤其是喺masouleh呢啲小村直情凍到傻

5月果時去過。
shiraz yazd isfahan kahan tehran

望望下原來兩張係同一個景點
所以真係冇乜特別





之後佢就帶我地去沙漠，咁就變相我地包咗佢車，而且卡尚幾日嘅行程都會係佢帶。

車到一半，佢問我地想唔想飲駱駝奶（其實都冇得話唔飲）。我地落咗車，佢就同班人打咗個招呼。啲奶就一如所料腥腥地，飲唔落成杯，我同朋友四個人飲一杯仔，就扮全部飲哂





呢個中轉站最重點唔係啲奶

而係好靚嘅景，有個小朋友帶住幾隻動物仔追逐，勁得意。啲羊咩咩比個小朋友兇到，就會蠢蠢地跑幾步，好得意呀

飲完奶，先發覺啲奶要收錢，仲要都唔平（好似係十幾蚊港紙），不過影到一大堆靚相就當拍攝費啦。



之後就去到沙漠。

之前去過撒哈拉沙漠，所以覺得呢個蚊型沙漠冇乜特別，決定是旦影啲相就夠。



司機之後仲邀請我地喺沙漠隔離席地而坐嘆茶。

好多司機甚至普通市民，車上面都隨時會有地毯同埋飲茶架餐，方便隨時野餐。

話說回來，伊朗人飲茶鐘意擺粒方糖落口咬再飲啖茶，望到都覺得甜。因為我係唔特別嚐甜嘅人，所以成日比啲伊朗人問點解唔加糖。



嘻嘻哈哈影相飲茶之後，太陽開始落山。

伊朗唯一令我有啲唔開心嘅就係太快天黑，日照時間都偏短，基本上五點就開始日落，六點前已經天黑。所以我地都會七點左右起身，把握日照時間影多啲相去多啲地方。

司機見我地對個日落好有興趣，所以揸車去其他地方途中都有落車比我地影相。



同場加影一張嘗試王家衛style嘅印象派照，比朋友話影到佢好似青山走犯咁