自由市場 你無口罩用代表你有問題

先講對唔住 唔好負評住
雖個標題好引戰 但係請睇埋先

「政府做唔到野」「自由市場唔係大晒」
某程度上 大家屌得無錯
如果大家心中只係想有個高效政府
不過有樣野野至關重要
就係半年前 香港人追求自由民主

如果你認為自己係一個配得上自由嘅人 而且渴望自由
但你同時對政府有好大期望 期望呢個官僚機構照顧你所有
等你唔使付出時間成本 分析社會嘅資訊
等你可以只專注自己某啲工作娛樂
而忽略同自己生存有關事務
咁就係自相矛盾

政府掌握嘅事務越多 代表越多訊息唔相稱 越多壟斷
官僚日後就會越容易搶權 控制市民嘅生活 奴役市民
剝削市民 將利益則重向佢地嘅官僚集團

喺所謂炒口罩前 其實已經有好多訊息表示有疫症
只要市民有盤算自己嘅利益 點都會開始準備
向市場發放訊息 生產商就會開始加產
大眾及早預見 廠商就提早加產 就唔會有咁嘅恐慌
根本就無必要 動用政府嘅強制力 民間就足以應付

今次大家失預算 但作為一個要享受自由嘅人
就要有「理性預期」 唔令自己犯同樣錯
下次唔會再有呢啲情況

我慶幸港中政府無能 唔識籠絡人心利用呢次機會
但係大家只係口頭屌政府 然後乖乖做順民
都無助爭取自由
今次係好機會畀民間互相組織 畀啱啱成立嘅工會
奪取信任 打破政府壟斷嘅機會
令各多民間組織成為 市民嘅真正政府
如果大家有意志咁做 就離自由唔遠

自由必需自理
對自己嘅日常生活事務外判畀一個官僚機構嘅人
唔會享受到自由

拉

垃圾文

以偏概全

中心思想係提倡無政府狀態？

分散權力嘅政府

垃圾文

我既給論係，民主社會係唔足夠，香港口罩問題係出於自由市場(撇除瘟疫個責任係邊個到)
如果一個民主社會都係高舉自由市場，同樣危機下，口罩問題一樣唔會解決。

必需品一樣可以被囤積被抬價，信息既自由只係促進到競爭，但市場造成既信息不對等，同埋議價力既不同同埋購買力既差別，你愈放權愈削弱政府對市場影響既力量，個問題就愈大。

我明白樓主覺得要保障自由，或者得到自由，都要令人有相應承擔，就好似海耶克都覺得將權力同經濟自由讓俾政府，政府只會無可避免咁腐敗。
所謂民主社會，長久既和平同安定又會造成犬儒主義，最後又無造成民主既腐敗。

只不過，我覺得你只係將好多社會問題blame左係個人同市民身上，即使香港係民主社會，係社會危機之下個人既痛苦都唔應該blame係個人到。

.

咁而家個餅係咁大就咁大
你又唔係耶穌可以玩5餅2魚
係食哂就係食哂

市場上冇口罩就係冇口罩 供不應求係成個市場既問題
唔會因為你係共產/資本/極權/民主社會而有分別
即使你今日每個人都完全掌握所有資訊
但結論肯定係某部份人點都唔會得到口罩