【Welcome Eriksen】國際米蘭球迷討論區37

依家lm 渣古 山狗其實打中下游好屈明顯食得住
呢段真係希望當調整期，3月開始衝到季尾
同榜首3分上落就點都樂觀

後備龍唔夠班呢個問題會令球隊繼續失分

其實大家都係太有期望姐

仲有得追！ 希望eriksen 快啲上力

冇錯 如果radu 肯返黎做2號龍就唔錯

不過聽聞我地周圍搵緊漢丹接班人

今次漢丹傷至少可以預料以後佢退落黎之後國米後防會變成點.
希望盡快搵到人預備同漢丹交接

用Radu真係有分別咩
肯做二號龍想有幾高質？
除左打左5/6年既正選龍老化肯退後備外
邊度揾高質後備龍

如果買人接班又要高質2號龍
要好似當年買施薩.推托度做後備一樣
如下年買龍推漢丹打後備.球迷實鬧到飛天

如果漢丹早啲傷既話大慨就唔會再借Radu去帕爾馬
不過結果係咁都冇得講

的確隊波比季初落差係大
但係其實唔少新援表現都唔係差
大力神都有巴打講，今場一上場短短時間就交咗個key pass同遠射
有睇場波都知今場都係缺少呢啲威脅嚇下對面
另外上場盃賽大力神喺轉打433之後其實發揮得唔錯
係仲未有足夠時間夾下
Sensi個方面又成日傷，傷既時間太多攪到隊友已經唔適應去同佢做配合，同埋佢既踢法都開始工兵化，不但係一種損失亦都好難寄望再喺短期有好啲既表現

史堅雖則表現係有落差，係有時荒失失既感覺，打正選方面唔係問題，當然期望佢可以攞返好狀態，睇落有返啲信心。

本身都係期望攞頭4，只係因為祖個到跌watt俾到希望我地爭冠既。
呢家個情況喺我地想爭冠既呢家當然會覺得有啲難睇，睇落失咗唔少分。
但係如果喺開季嚟睇返，點講都係喜出望外既。
同時希望干地果斷啲，換人早啲啦，睇見啲球員有時都好攰。

係嘅，調整返心態先，其實季初我一直講，今年唔好都最後一場唔贏唔得先有前四已經收貨。
so far 其實收貨有餘，以一個全新班底來講，第一年成績算好好。始終蛆人腳，深度都比我地好。
S37未衰到要賣，佢都係3後唔適應嘅問題多啲，佢好多時其實打唔岩位，但係都重比一般CB踢得好嘅，係D6太搶眼啫。
後備龍真係無得要求咁高，勁嘅都唔會甘心來做後備。希望可以快啲搵到漢丹嘅後繼人。
P27嘅問題係溝通多過狀態，其實今日輸嘅第一球，如果佢有大叫Keeper！我諗史堅唔會同佢撞埋一堆。呢樣要屌，要改可以好快改到。
唯有收拾心情，希望越踢越好啦。其實我地好幸福㗎喇，叫做回咗正軌，未來兩年如果人腳無大變又買到啲新援，可以再同蛆砌過。

其實漢丹而家35,佢場外生活又咁檢點打多兩三年高水準表現絕對可以
所以你就算搵個人黎接班都未必搶到個位
所以而家拉度同個巴西新仔keep住外借係正確做法,不過2個暫時連下遊正選都搶唔到明顯未夠班

咁快話大力神唔神我真係語塞
個個新兵好似夏蘭特4場8球咩

大執完都係得第三

咪講笑，尋晚睇reina，佢真係好7勁，n球神救

我只係講緊現時佢係未fit，所以我講緊嘅咪就係講緊要畀時間，冇可能要求佢一嚟到場場入波助攻，咁樣真係太理想化太Football Manager，真係打機先得。
佢要時間融入同操返起架嘛，買佢嗰時已經知，如果要即時有效果呢20m一早要屌落vidal到，咁依加就係要投資未來，呢段時間係要捱架喎

好多人諗法係俾左錢買人.就要求場場都要10分8分
如果唔係就水貨
正如有部分人見排第3
但又唔睇24戰54分.絕對唔係一個差既成績
只係有拉素頂住都可以話球隊到呢刻失敗

對呢類好難溝通

我同意呀
買得大力臣就係睇中長線
又要適應語言文化隊友領隊戰術
唔係睇能力值幾多幾多就要即刻交貨
其實今年大執位都係落後3分已經好滿意
係拉素爆晒seed音樂比利又無病無痛我哋先第三啫
大家緊張隊波，但都要接受球員狀態始終會回落

不過踢得差係要批評，例如係史堅狀態差，大力神0對抗比Savic屈，但罪不至死。padelli第一球我睇咗幾次，真係好fun，佢出營又救唔到波都算，仲要炒埋一碟跌底，真係
我只係希望漢丹快啲好返，Padelli人生只踢3場意甲，真心難頂

係國米既意甲生涯3場意甲
佢之前係拖連奴都有100場正選㗎

Savic揾邊個睇都死
上半場尾下半場初.見揾羊mark sms我都想死
史堅好似無諗過去幫手睇sms咁

其實三中堅唔係問題
但無一個簡迪呢啲人 防線太常直接受壓
加上留意左好耐係 後防拎波永遠得B77 回後拎
次次一係俾到b77但身都轉唔到逼住亂分
sensi係度個時佢會回後幫手拎個時順好多
無佢唔知點解b77一拎波無人會係隔離幫佢
人地要針住你閘你出球點變相攻勢根本做唔起

仲要靠老婦食素，難咗D

真藍黑4個1皮
我國幾時先踢到呢啲猜傳

本身預期羅沙路提供突破力
點知不似預期
依家要寄望摩西