[ios/an] One Piece Bounty Rush (2) 一周年重開 - 四皇紅髮正式加入+頂上決戰開打

pop子 · 2020-01-28T19:39:18+08:00

4 vs 4 海賊王動作game One Piece Bounty Rush 一週年上個post: https://lihkg.com/thread/1072542/page/1 Q&A 隻驚玩咩？主要模式係四對四動作驚，喺地圖有5枝旗，3分鐘入面邊隊搶得多旗就贏。然後間中有活動模式，例如死鬥，鬥殺得多對方；或者財寶搶翻天，地圖有十幾支旗鬥搶得多。而家嘅特殊任係頂上戰爭boss 戰，四個玩家合力打三大將，過程中有雜魚海軍同王下七武海等角色亂入，都幾好玩亦有一個單機故事模式，好似格鬥驚咁玩，之前劇情去到東海篇，打傑克船長、魚人阿朗嗰啲。一週年無啦啦追加頂上篇。係咪pay to win? 一般。隻驚50%人物能力，50%技術。先講人物能力，佢唔同角色有唔同強度，譬如同level佳亞小姐係打唔贏凱多；亦需要培養角色，100 level 屌打80 level。而要開放100 level，先要抽中7張同一樣角色黎換角色碎片，咁係好難，但大部份角色佢俾你每日都可以換一啲，所以都可以用時間換。另外亦講技術，冇勁角色都好，因為隻驚係玩搶旗唔係淨係殺人，你唔夠人打都可以專心搶旗，或者做支援，幫隊友補血、放陷阱、令對方陷入特殊狀態等等。有班戰鬥力高嘅on9成日專注殺人，之後俾人搶哂啲旗咁輸。以我為例，玩左8個月，課左200蚊，都有好幾個100 level 好角色，戰鬥力46000，人，每季打到去國際服1000左右。要唔要首抽？要，抽隻5星起手，即係同一角色抽3次，之後條路會易行好多。不過唔易刷，嗰時我刷左兩三日，有人刷一星期，用iPhone 重刷係要del game 再dl過，嫌麻煩可以花三幾百買個新手帳。鑽石點累積？得到鑽石嘅方法如下： 1. 每日任務，送一至三粒 2. 活動派，譬如新年聖誕各送50，下載量1500萬送120 3. 季末成就，SS級加埋其他成就可以有3-40粒，每十幾日一季 4. 課金，不過好貴 5. 完成任務，都幾多任務送石 6. 打單人關，每關3粒