作為一個就讀生物醫學嘅學生，Coronavirus 都讀過下，咩SARS、MERS大家都應該聽唔少。我諗呢度都係講返SARS會好d。SARS同WARS一樣攻擊人體都係經由ACE2 receptor 再騎劫你身體有ACE2嘅細胞去製造更多嘅SARS同WARS。而SARS嘅感染途徑最主要為飛沫傳播(droplet-borne)。當帶有病毒嘅飛沫接觸到你身體上嘅黏膜組織(mucous membranes)就可以入侵你身體去尋找帶有ACE2 受體嘅細胞，而黏膜組織包括口、鼻（所以要帶口罩），以及眼（所以要帶眼罩或護目鏡）而今次嘅WARS同SARS係有70%相似，所以唔排除有經眼嘅黏膜入侵人體嘅可能性。
王廣發同梁卓偉雖然都on9咗，一個話可控可防一個話戴口罩講唔到嘢，但係經眼感染係確有其事。
至於點解梁卓偉叫你戴平光鏡，係因為冇可能要你地戴護目鏡，原因係喺社區可能會焗、有機會難買到，而平光鏡雖然上下左右都有窿。配唔配平光鏡、護目鏡因人而異，但係有少少保護總好過冇任何保護。
一個人一句說話on9並唔代表所有說話都係on9，請各位以事論事，實事求是。
