公道咁講，老師人工有幾高？
你用政府個scale 去睇，
老師係pt 18(未讀PGDE 有pt 16) ，去到最盡就有pt 33...基本上個薪酬係同社工一樣...高過護士（RN)。
你話係唔係人工高呢？一個畢業嘅學生，月入三萬幾，的確係唔錯嘅薪酬。但當你做多幾年，你就會發現，你加薪嘅幅度係每年跳一個point，另外再加4%人工，去到30歲左右，其實你嘅人工，基本上係同私人市場一樣，而且你仲係唔會有雙糧同花紅，所以係少過私人市場。
升職方面， GM大約有三分之一嘅機會上到SGM...但一般來講都要40歲，甚至50歲，因為響教育界升職，往往係論資排輩。所以再計起上嚟，其實人到中年，你又會發現，同你同齡嘅人，好多已經飛黃騰達，二你就好可能仍然做緊一個月入70K嘅痛苦中產...
做老師講得好聽啲就係工作穩定，其實另一方便去睇，即係你唔使旨意轉工，係近年來講，教席咁緊張嘅情況之下，轉校都係一個好冒險嘅做法。
如果你要好功利咁講，教書有咩好，我答係，就係假期一定多，無論你學校點樣變態都好，係暑假你起碼有三個星期嘅假期。除咗較多，我就真係諗唔到教育界有啲乜嘢咁值得人羨慕。
PS 有唔少教育界嘅朋友，特別係去到中年嘅男人，好多人都有抑鬱，好大部份嘅原因，都係因為跨越唔到中年危機，即係好多教書先生，佢哋發現自己去到中年，原來做緊嘅嘢，同自己啱啱畢業嘅係冇咩分別，相反，自己同期嘅大學同學，個個都有唔同方向嘅發展。到時候，你就會發現學生又唔聽你講，工作上高又冇咩大突破，你個人自然就會好低落
大把人30歲做私人公司無三萬幾蚊
就算三大都好, 比你乞食科grad你估私人市場三萬幾蚊易咩, 年年加8-10%人工一定跑贏私人市場
