短毛天竺鼠一問

我養左大半個月，有時靜靜地伸手入去摸佢地都會走
但換籠時抱住又唔會反抗
好想快啲好痴人

同埋叫名係唔係成日同佢講野係咁叫佢個名就會慢慢認得架喇？

係呀 不過都要睇下你改啲咩名
如果太複雜 佢地會難啲知
改啲疊字名就容易啲知係叫佢
同埋你要係咁叫佢名 等佢知係叫緊佢
耐咗就識佢地好醒咖

多d 親手餵菜會痴人d


以前養過兩隻，5歲 同8 歲畢業
好掛住佢地

一定要餵菜定餵食物就得架喇?

8歲真係好長命，已經好幸福了

餵草、菜可以拎住比佢食
草要永遠都有，係主食
無草佢地牙會超長磨唔到牙


粒粒糧係配菜黎，食得多唔太健康
不過通常佢地鍾意

睇小天食野食食下lag 機唔郁個樣都係樂趣
好好珍惜佢地後生段時間呀～
會成日嗌，又會爆谷跳

佢後生時間係唔係指1歲前??
同埋我兩隻都係女仔黎，係唔係等佢8個月左右去絕育會對佢健康好D?

絕育好易死 唔好帶佢去呀

想養，但係麻唔麻煩的，我老母話如果麻煩要扔佢出去
同埋問下點養的

成日叫，嫌煩唔好養

大唔大聲，會唔會凌晨三點叫

會，鬧鐘級數
因為佢會聽聲認人，所以夜晚要困佢入沖涼房

佢唔會瞓覺咩

咁慘
我畀夠嘢佢哋食就好少會半夜叫

佢哋唔似一般鼠類可能有固定休息時間（夜晚玩朝早瞓）
天竺鼠食飽就瞓，瞓飽就食，瞓一陣好快醒
冇人同佢玩悶得濟又瞓

同我一樣

幾年前灣仔雀仔鋪帶左兩隻返屋企
六歲同七歲畢業
好多大便同會有味，頂唔順唔好入手害動物
睇次醫生都成千

我養嗰啲會跟我作息時間瞓
想食零食/肚餓先叫 其他時間好安靜

可唔可以講詳細小小
因為我上網睇好多資料都話絕左好D，會少D機會有病，但我又唔想佢地挨刀
你之前果兩隻係點架

女唔建議絕育，手術風險大過仔好多，你上網搵下

因為絕育要打麻醉 天竺鼠打完好大機會都醒唔返
所以如果touch wood有病做手術嗰啲都好大機會救唔到
因為佢地算細隻 比較脆弱

次次去mk cwb 嘅I love rabbit都冇得賣想問下邊到有得買？

旺角寵物街的兔仔店有 minizoo都有