連登有無巴絲斷聯後復合的成功例子

唔太鍾意唱衰ex的人

個ex帽我男朋友而家做埋警嫂都唔夠仆街？
唱到佢老豆揾仔呀

咁係後話

不過有d人食完又要周圍唱先討厭

分開一年
再一齊
再分開

都好傷下
以為有希望又熄左

係呀仲痛緊
冇一齊返好似仲好

其實可以點復合到？成日覺得男人講左分手 唔會再諗復合
利申 絲

最主要睇下大家嘅感情狀況
有緣嘅 幾年之後都會一齊返嘅

幾年 捱唔到..

你得嘅 我6年都得

中學老師試過
初戀分手
若干年後街上撞到
聯絡返
之後仲結埋婚

有緣份的始終會遇到

我都希望我的對方可以下左啖氣

隨緣啦

所以講到尾.. 依家都要放低左先

講得好阿

⼀齊兩年半
分開半年
求我返嚟
復合三個月
被分手

你先岩岩分手冇耐
與其諗呢啲
不如諗下你地之間既問題係邊
令自己變更好的人
到時有緣既，可能再一齊
或者遇到更好既下一個

成日諗返轉頭冇意思
個個人情況都唔同，有人成功唔代表你都會成功

睇左斷腳

你中間有無拍過拖？

唔好天真 分得手種會諗起你？ 除非佢比人玩完喇

極長文注意:

現任就係。同佢十幾歲係game識，佢係台灣人。
果陣同佢由game的網公網婆發展到現實，但細個唔定性同佢分咗手。之後大家都無再搵對方兩，三年，期間我亦無再搵女朋友，一直單身

直到無啦啦有日屎忽痕係line主動同佢打招呼
同佢破咗冰，再傾落去先知佢果陣已經有男朋友
但佢果個男友係極品人渣黎，周圍同人借錢，有錢又唔還比人，無錢交租但有錢出新手機，攪到佢要休學1年出去打工維持生活（當時佢地同居）。對佢的態度亦係愛理不理，經常掛住打LOL唔理佢，又無Plan生活計劃，得過且過咁過每一日。

自然地，佢有咩事就會搵我傾，問我意見之類。我就一直比番feedback佢，咁的關係維持左起碼一年。最後佢頂唔順同佢男友分咗手，大家又變番單身。但大家都無特別想話復合的感覺，所以keep住朋友關係。但之後一直有傾計，好感係有的。

直到前年12月，傾到一d比較感性的話題，佢話佢因為當初的休學攪到成績追唔番，仲未畢到業。令到佢比其他人遲左好多起步，感覺人生因為佢個ex而攪到好失敗。我又唔知做咩事答應咗佢如果無人要佢，我會娶佢。結果就係咁，相隔左超過5年番撻咗依段感情。事後佢同我講番，佢只係一直搵其他人黎嘗試取代我的位置，結果發現佢跟本放棄唔到我，簡單d講姐係念念不忘。（當然你可以話佢當我水泡，但我親眼見到一個女人為左自己付出咗咁多，我比番佢一個名份同未來佢亦都理所當然）

依家我同佢plan好晒未來大計，亦都私底下訂左婚，佢見咗我屋企人，我屋企人亦都幾鐘意佢。而大家都為左對方，即使分隔港台兩地亦各自向住自己的目標進發。