求寵物善終推介 plzzzzz

貓貓腎病就嚟唔得
想搵定善終，但第一次養唔知邊間好
同埋想知around幾錢

我都想知

想知pet to nature好唔好

我隻狗狗就係係呢間水化。係屋企接佢走既時候，職員態度好好，會放心交比佢，嗰邊既環境幾好但就真係好遠，因為我住市區。

巴打邊區？月頭貓貓走咗，搵咗元朗彩虹橋覺得唔錯，不過元朗去都覺得遠，打比佢會安排黎接你，走就車到黨鐵站，一般火化拎返骨灰幫你整張相咁，18xx左右

我上個月貓貓走左都係搵呢間
覺得做得好好
有d儀式同貓貓告別，我喊到仆街

試過情永在，位於偏啲，但上到去環境ok
係啲紀念品超貴

千五蚊 5kg以下貓

黃大仙區

想比較下寵之天國會唔會都ok，因為比較方便
有冇巴打絲打用過？

大約10年前有用過，唔知係咪太多人，冇安排位置比我地陪多貓貓一段時間，不過會整返一個好好既狀態比我抱多一陣，貓貓走時本身眼冇合晒，成身硬晒，交比佢地梳洗完之後合返眼同軟軟地，好似瞓著咗咁

非常ok

用過 之前有隻貓仔病死左 都一條龍服務 有車係你屋企樓下收遺體 + 火化前會有時間比你見佢最後一面

我都用咗十年
幫襯4次
每次都高齡先病死

我試過呢間，全個過程係都好過一般向工廠區既地方，水化過程比火化慢，骨灰可以用黎種盆哉或自已處理，有埋過程既相，包括水化後既相，我就冇 keep 睇左就即場掉，因為無謂 keep，骨灰我就放向屋企。

同埋我隻咪仔係向半夜兩點走，打去佢大概三點左右黎接佢走，過程佢會好認真地將咪仔包裝好。

佢地間野向錦繡花園附近，我就住向錦上路，所以當我黎講唔算遠。

隻貓12月走，貪喺九龍灣幫襯咗寵之天國，雖然睇過有負皮，但實際成個過程都幾細心，火化地方乾淨企理，火化完個哥仔仲同我講解邊啲骨打邊啲骨

用過情永在,唔係打手但由司機哥哥到成個服務都好好

感謝各位意見，最後揀咗寵之天國

唔推薦去pet to nature
真實用家體驗⬇️⬇️⬇️

事源係我陪左我17年嘅bb係今年6月份走咗，事過5個月左右內心終於平靜左，可以打返呢篇投訴文章

發生當下冇諗太多，知道pet to nature 係香港唯一水化善終服務又環保又有哂訪問又見哂好評咁，離屋企遠啲都冇所謂啦(當時住將軍澳，中心係元朗再入)點知咁嘅決定真係足夠後悔一生

1. 不尊重家屬
到中心告別禮後，本人已經喊到不似人形，一推走你bb就會比呀sales 姐姐叫坐低sell骨灰甕同其他紀念品，而呢位sales姐姐係表現出佢嘅不耐煩同埋態度差，當下我喊到都冇力回應/投訴佢，態度差對話當下有:

a)揀骨灰甕時有分不鏽鋼同陶瓷，當然我冇接觸過就會問分別係咩，呀sales姐姐當下就極力推薦不鏽鋼料，話陶瓷保存唔好會潮濕左啲骨灰到時候你返嚟求我哋都冇用(其實當下有諗洗唔洗咁講嘢，當佢講到咁我都揀左一個二千多嘅不鏽鋼骨灰甕，因為唔想令自己有任何後悔)

b)到揀整3D手仔時，其實一直都想整手仔，其實唔洗sell我都打算整，點知行到個架，sales姐姐又開始話：其實寶貝遺體一整留到而家就係等家屬揀整唔整呢個紀念品(聽到好無奈，留到而家係因為我要尊重呢件事同我寶貝去告別，而唔係為咗你呢件紀念品囉）

c)整呢個3D手仔要配以相架去裝住手仔同其他配件如毛髮，牙仔同寵物相，sales 姐姐一度硬sell一款無貨嘅相架，無任何空間比我揀其他款，亦不停重複唔知幾時會有貨，船期不定等等，當我想揀其他款色相架亦一度阻止，當下真係冇心情同佢拗，唯有揀左個”唔知幾時會有貨嘅相架”


2. 紀念品貨到時間不明，但投訴就即刻有貨

選購好所有紀念品後，sales姐姐會mark埋拎骨灰日子，當其時佢幫我mark 左一個月後，話到時候順便拎埋相架。到拎骨灰日子前，知道個相架原來仲未ready，本身whatsapp 同中心講如果係唔知幾時先有貨我唔要相架啦，而得不到任何回覆。

咁當然我都如期準時去中心接返bb返屋企，到中心投訴相架一事時，職員即刻話另一款合適相架有貨，會盡快安排家屬再次到中心取貨。(本身話冇貨冇貨，但一投訴就有貨，whatsapp又唔覆，之後過左一日佢就話有得到中心取貨，而我又要再坐兩個鐘車程去領貨，安排十分差)


3. 職員送錯速遞地址
紀念品當中有選購到骨灰晶球頸鏈，咁sales 姐姐有話兩，三個月左右有貨，咁我都預期到時候我應該已搬遷原本住址，所以註明左頸鏈到時順豐到付到我公司地址。而可惜貨到時候，順豐打嚟原來又係送返去我舊址，當時候已經搬遷走無人收貨，而我又要比多筆運費轉寄到公司。 (件事我有whatsapp投訴，今次係有回應，中心職員有打嚟講唔好意思，而係我主動要求下先表明會退回運費)

總括然而，本人對pet to nature 嘅服務態度同質素不敢苟同，希望各位家長選擇寶貝善終服務抱以謹慎態度，多問身邊人意見，免得同我一樣後悔