Anabolic Steroids系列第五部曲- SARMs（上）

因為有為數不少嘅人查詢SARMs嘅用途同埋劑量建議，我必須表明我個人係絕對反對任何SARMs嘅使用，詳細原因會在下文分析。

首先澄清我所講嘅野只係分享我個人嘅經驗，並唔係鼓吹或者鼓勵你去使用任何藥物。我提供嘅資訊只係作娛樂用途，點樣去使用我提供嘅資訊完全係你自己嘅決定。使用藥物嘅時侯請務必諮詢有經驗及有相對知識嘅人士，避免胡亂使用藥物。

今次係合成類固醇系列第五篇，如果冇睇過第一篇至第四篇嘅朋友可以去睇下 https://lih.kg/1107850 第一篇分享嘅主要係構成一個好嘅cycle必須要有嘅步驟。
https://lih.kg/1112830 第二篇分享嘅重點就係要先考慮咩基本條件，先至有資格去考慮用藥。
https://lih.kg/1118541 第三篇分享嘅主要係使用合成類固醇常見嘅副作用同埋避免方法
https://lih.kg/1131970 第四篇係講藥物對健身帶嚟嘅好處同埋點解要用藥

OK今次可以直入主題，SARMs係一種非常危險嘅物質（注意SRAMs並不是藥物），絕對唔建議任何人使用任何SARMs或者宣稱含有SARMS嘅保健物。詳細原因會響下面列出，不過首先等我哋了解下咩係SARMs。

SARMs 全名就係 Selective Androgen Receptor Modulators 選擇性雄激素受體調節劑。其中嘅“選擇性”就係受到四方八面追捧嘅主要原因。由於傳統類固醇例如Testosterone睾丸酮，會對身體內所有雄激素受體結合，包括前列腺及肝臟等等對肌肉生長冇直接關係嘅組織。SARMs嘅“選擇性”經常被宣傳作能夠模擬傳統類固醇對肌肉生長嘅刺激，而又減少甚至撇除對其他組織嘅不良影響，同時唔會影響雌激素水平，唔須要PCT，唔須要抗雌，唔會水腫，唔須要打針，只要極少劑量，肝毒素為0，非常安全，有效增加骨骼密度，容易被身體完全代謝。SARMs被捧上神枱，被人塑造成完美嘅健身藥物。

不過現實有冇咁美好？SARMs係咪真係咁夢幻？等我哋一齊分析下

世界上第一種非類固醇SARMs於1998年推出［1］當時製造非類固醇嘅SARMs係希望撇除類固醇類雄激素如睾丸酮嘅負面副作用，例如令雌激素水平急升及男性乳房發育症。不過由1998年推出至今，仍然未有一隻SARMs係通過第二期臨床試驗，簡稱基本上所有SARMs已經被各大藥廠放棄研究。

假如唔清楚臨床試驗階段我將會我輕輕講解。

第一期人體試驗，目標係探討藥物的吸收、分布、代謝及其於體內作用的時間。測試人數由個位數到十位數不等，人數通常不多。

第二期試驗，係對藥物療效及進一步的安全性作評估。證明藥物確實可以有效治療此疾病。期間亦都會繼續評估藥物嘅安全性、所產生嘅副作用，同時會決定出最佳劑量、用法同埋給用藥間隔。

第三期試驗亦都係藥物被批准上市前的最後驗證性研究。

根據美國食品藥物管理局FDA，FDA從來沒有批准過任何一種SARMs作為新藥發售，FDA更加於2017年10月發信警告3間位於美國嘅SARMs生產商［2］摘錄自該信中翻譯：未經FDA批準，含有SARMs的健身產品有重大安全隱憂，其中包括增加心臟病風險及對肝臟等器官帶來重大損傷。
2018年美國頒下SARMs管制法，將權力授予美國緝毒局DEA，打擊所有美國境內生產SARMs嘅工廠。管制法亦都將SARMs，及SARMs嘅所有衍生物都劃入第三類管制藥物，任何人製造，管有，販賣，出入口SARMs都視為犯法。

普通藥房有得賣就好

巴打
你覺得紅丸藍丸果d係咪得啖笑
你點睇呢類產品

認真講句，真係有用嘅減肥成分，全部都屬於管制藥物。
響BX，XC，或者各大補充品店買到嘅，除咗creatin，protein同caffeine。其他基本上都係好少，甚至冇研究實證，浪費金錢。
增肌或者減脂，從來都係靠卡路里控制，別無他法。

有時見到d玩比賽嘅人
真係極速修身
點可以做到

藥物
真心上得台嘅，幾多個可以唔用藥。
台上面個個用藥，唔用藥你連台都冇得上