讀Law港女今次要用美國Magnitsky Act《全球馬格尼茨基人權問責法》程序

Ven 2020-01-14 23:48:41

首先利申，今次係我港女A本人同US based嘅一班律師進行中嘅另一壇野，所有事務與港女V以及我地兩人成立嘅SOS無關。

長話短說，港女A係同美國律師討論過後，理解到即使美國pass左香港人權法，但條law實在太新，冇一啲案例或者係既定程序去俾我地做制裁人權犯呢個動作。

因此，係美國律師們做過research同埋鋪左一啲network後，我地決定用返有例可循、於2012年在美國訂立嘅”Magnitsky Act”，全名”The Global Magnitsky Human Rights Accountability Act” (《全球馬格尼茨基人權問責法》)。

係呢條美國法例底下，已經有既定嘅程序去針對人權犯而由美國政府作出制裁。因此，港女A現正同當地律師準備緊唔同資料，係集齊後就會直接呈交俾美國Department of Justice以啟動程序。

呢個moment，我地最需要兼最能夠trigger到呢個程序嘅，係曾經被捕嘅手足，並且有以下其中一項經歷：

1. 曾經係新屋嶺拘留中心入面被警員暴力對待/sexual abused過；
或
2. 曾經係警署被拘留期間被警員暴力對待/sexual abused過

有過以上不幸經歷嘅手足，如果你希望能夠「以法制暴」、制裁違反人權嘅警員同埋默許/下令佢地咁做嘅上頭，我同相關律師有辦法搵出個chain of command，亦係提交俾美國司法部嘅各項文件中其中最重要嘅一項。

但！係！

要搵到個chain of command，首先，我地要有上述經歷嘅手足俾返口供我地佐證。

我唔能夠係度講太詳細，但如果你係其中一名不幸嘅手足，又願意支持我地嘅工作，懇請你聯絡我 – angiete@protonmail.com ，我會直接向你解釋我地嘅工作同團隊。

係度先鄭重聲明，所有港女A接收到嘅contact同內容，均只限於我本人同埋律師團隊處理；除非得到手足express consent同意，否則港女V同SOS並不會有任何手足cases嘅access。

又又，今次呢壇嘢謝絕媒體報導，真的非常感謝各位垂注。

只要仲有一息尚存，我本人同港女V都會各施各法，誓死追究警暴責任。

OWK 2020-01-14 23:50:04

Push!!!

藍又時 2020-01-14 23:50:31