點樣可以唔好咁痴身

冇安全感可以點算
我成日都會係度諗佢幾時會出軌 幾時會唔要我
雖然男朋友好好 知我冇安全感會間唔中就同我講做緊咩
但係我都仲係會好驚 驚佢識咗個好過我既女仔就會唔要我

建立番自信先

不過都要學識練習唔好比個腦呃自己
有時要靜落嚟諗下 到底自己個諗法係臆測定事實
記得個人亂嗰陣就唔好亂咁對另一半做啲咩

或者可以同佢傾訴下你好不安
而唔係嘗試控制佢

同埋得閒搵多啲唔同興趣做下 比番啲個人空間自己
你唔需要圍住佢轉 佢都一樣會愛你

我男人老狗冇安全感真係好慘
呢啲道理仲要而家先明

但係做得佢女朋友就想知多啲關於佢既事
好似佢同佢啲ex點相處咁
但係知左又可能會有比較

same

要學識, 熱戀時保持自我

我都明啊 但偏偏有時好難做出黎
特別係我成日都好得閒 而佢又要上莊同溫書
變左我有時好想見多啲 但又驚阻住佢

所以你要搵啲嘢比自己忙下
有啲人可能覺得好多嘢唔啱自己

我以前都係咁諗
但唔好咁快否定先 試吓總會有樂趣同得著
我而家就有好多嘢想試想做 以前總係覺得自己咩都唔得

當你興趣多咗 個人有自信
安全感應該會多番

我知呀所以都唔會chur覆機chur 見嗰啲
時候啱可能會拎出嚟講下

頂我都係咁
可能都係唔問好啲 萬一問完鑽牛角尖仲衰

咁係唔夾喎
遲早會因為雙方諗法唔同而散
所以早啲分手對你冇咩傷

唔好知咁多啦 知咗又會諗

以為自己開post

我另一半間唔中會同我講佢同佢個ex既事

你話你唔想知啦！

我一直覺得如果對方係好愛你
你唔中意佢某啲野 就算佢唔係100%改曬
都一定會同你傾到啱為止
而唔係唔嗲唔吊咁

啱啊 如果係愛既會願意作出讓步