一直單身吧！家下感情真係好兒嬉 好似唔使了解咁

試下佢會唔會keep住日日傾先囉
如果我日日同一個人傾
點都有d嘢就算幾忙都會

身為男人，我明佢哋既難處，有時啲男仔驚個女仔比其他男仔捷足先登，有時真係會急咗啲

因為都唔係第一次拍拖
性格不合真係好難一齊
咁急就一齊好容易伏咗大家
動左情先知就傷心死

好啦，試吓約佢出嚟講清楚，好驚食檸檬

兜個圈讚自己靚

我初戀就係咁一見鍾情，大家第一次見面就一齊左，但唔夠一個月就散咗

直接表白啊想？
咁有把握？

係囉⋯⋯亂一齊真係好容易中伏

依家好多人都係有feel就一齊 話就話一齊左再慢慢了解 但我寧願熟左先好過之後先發現大家原來唔岩曬時間

唔拍拖點了解呀大佬，
如果我同你係異性普通朋友，
識咗10幾年好未呀，
我都唔會同你講我鍾意上大陸叫雞，
又或者有咩不良嗜好啦。

因為就算我唔溝你，
我都有機會溝你圈子入邊啲friend啦，
同異性點會講熟唔熟悉啊大佬。

一日未屌西，一日都唔會揭底牌㗎。
唔好咁撚天真啦。

冇愛情係唔拍拖就可以建立㗎。
求撚期知道你冇其他女仔朋友俾佢呃過，
試吓拍拖有咩問題？

係啊 真係曬時間⋯
重點係會傷心

問題係你拍拖嗰陣你下下都SHOW HAND
咁你梗係傷心啦大佬。

拍拖係開始嚟嘅咋，
試吓大家一齊有咩感覺，
觀察下佢啲行為同習慣，
了解下佢啲朋友圈子，
屋企人啊嗰啲，

你同佢做朋友同做女朋友個分別係好大嘅。
可能佢阿媽阿爸記得帶個朋友返屋企都會客客氣氣，
帶個女朋友返屋企，又唔知咩國法家規，
帶條女去見朋友可能佢啲friend又話做咩成日比條女綁住。

啲體驗完全係兩回事黎。

所以你做咗女朋友幾年做佢女朋友你覺得好了解佢？

呢個假設完全唔成立

所以你做咗女朋友幾年做佢女朋友你覺得好了解佢？

打錯

我都有聽過有朋友講類似
吓？幾年先知唔夾？
其實唔夾一齊一年就知
但當時好鐘意 鐘意到認為無咩解決唔到
同對方都好願意改咁 我又想磨合
一直去到幾年 開始發現
鐘意唔係大曬 原來真係會解決唔到⋯⋯
鐘意既心會被磨掉
大家都磨合得好攰 就快唔係自己咁
最後選擇咗和平分開

會啊 有心又如何
大家都有心
但試過好多次 都係唔得
不過人人都唔同 無人經歷既事都係一樣
我只表達我自己

打機呢d就算啦⋯⋯

物以類聚

拍三次 都要了解左先
一次拍6年 一次拍4年
中間有一次 同對方無了解過就一齊左 原因係大家都失戀 不過只係拍左三個月

到而家都唔想理 有啱既都堅持了解左先 雖然自己年紀唔細 都好過大家傷心
我從來唔會講散左浪費左大家時間 始終雙方都有經歷 有開心 有唔開心 都一樣有得著

完全明白