作為一個男仔零安全感係咪好冇用

唔知點解做人做到唔夠膽去信人
一有時間就會係亂諗野
好辛苦好大壓力
乜都會驚一餐
好驚一出自己comfort zone 去信人我就會仆街
到底點先可以解決到衣個問題

記住用不推文

同係咪男冇關係，冇安全感咪冇安全感囉，搵個保護到你嘅女仔咪得

年齡增長會推你向另一個無安全感既地方

缺乏自信

要個女仔保護番咁咪更加冇用...
正常係女仔都想係比人保護果個架啦
我唔止係冇咁簡單
衣個問題我覺得已經好嚴重...

咁既話可能我更加會崩潰

衣樣真 明明身邊好多人都鼓勵我架啦
但我都係覺得自己好冇用好廢好差
到底我應該點做..

同 d渣過自己嘅人玩

渣過自己既應該得番啲死毒撚...

想搵人攬住喊下

用安全套囉柒頭皮

可以答你係
我之前就係咁chur走個鍾意自己嘅女仔

本身份人又係勁冇安全感+極易亂諗嘢
會多愁善感
以為拍左拖會好啲
根本問題喺自己度

建議多啲睇下呢方面嘅書了解自己
最重要仲係慢慢建立番自信
平時生活多啲重心 唔好太依賴一樣野/一個人

我係你既女版
呢樣野真係根深蒂固 好難改

唔改嘅話就會好似我咁
避早害咗身邊嘅人

係
我都係

如果咩都唔掂就唔好獻世啦

見到樓主寫嘅嘢以為自己開 post。

成日都覺得自己明明交咗嗰心出黎比人，但都無人比到安全感比自己真係好灰又好攰。

明明自己身邊都有唔少真心朋友，但冇一個真係關心到同支持到自己；對比之下見到人哋下下都有人撐住，就會覺得自己只係一廂情願，或者自己根本上冇嘢值得比人重視同關心。

都唔知自己係咪無安全感所以做咩都好似浮浮沉沉，無咩消息。

冇人支持我都有同感
其實呢個都係冇安全感嘅表現

好多時會諗埋咗一邊，覺得所有嘢只有自己在意人哋
其實只係你過份在意其他人，介意人哋心目中自己係點

呢啲嘢我都係識講唔識做
但慢慢學下調整心態，幫自己加番啲個人空間
應該睇嘢嘅心態都會唔同
最緊要相信自己無論成就係點，都係值得自己去重視自己，咁先會有人重視你 去聽下《給自己的情書》就會明

一齊加油啦

有冇啲書可以介紹

我自己就睇愛情類嘅 因為係感情問題
你可以搵下「焦慮依附」呢個keyword
心理學上嚟講，我哋呢種人細個冇安全感，大個就會極度想喺其他人身上攞安全感，唔係就會焦慮同煩人

我睇咗本台灣書，叫《關係黑洞》，作者叫周慕姿，入面講對關係上嘅不安全感，好多時我哋嘅唔開心同不安，其實都係冇根據同埋係源自自己

網上有幾篇講焦慮依附嘅我都覺得有用，Google頭幾篇會搵到

哈 其實我都知要點做
永遠都係對一個人好上心
然後又比人話諗左人地先
但係就點都改唔到

今次又好似遇到個幾好既女仔
就好驚會因為我問題而失去佢
所以先真係想解決下

我都有唔少真心朋友
好彩既係都有一兩個係會互相支持關心
冇佢撐住我諗我都一早收左皮

咁要慢慢嚟
有咩唔好亂咁做
搵半日諗清楚先

上心呢樣嘢，千祈唔好覺得對方就係全世界，無論幾重要都好
一旦你咁諗，反而就睇唔到對方真正想要啲咩
好似我咁，自以為關心，其實趕走咗佢
太上心嘅源頭都係因為你過份緊張對方點諗自己，都係一種自私

我啲唔開心真係會冇原因！
其實咁樣算唔算係病既一種
本身仲以為係少數人既問題
衣加咁講好似又唔係好少