利申：本人感激每位手足，尤其是前線，以下內容不是抹殺前線功勞，只是想探討和理非如何多踏一步。
經過實戰，和你SHOP成效絕對係有，可以每星期六日運作，對增強良心經濟圏非常有用，起碼抵制了無良奸商，觸動政府神經 [=錢]；另外借力打力等等等等…
利申：作為一個徹頭徹尾的和理非，我其實好建議這類和平行動，因為我覺得成個計劃可100%完全合法進行，不需送頭。 [e.g. 以成就稍差的時代為例，如果Shopping Queue夠長，可以逐間逐間名店入去，入到嗌口號又好，唱歌報佳音又好，拎旗又好，著到光鮮靚靚又好，不停插嘴中斷招呼緊大陸客的職員又好，左望右望睇下買咩野又好；就算唔入名店，在門口10個人喪跑/轉圏/唱歌/呼叫已經好OK] 但當然，每每見到有人送頭，總覺不甘，作為和理非好想再行一步。
但正正因為和理非係比較和理，除非本身已經約左10+個朋友 Shopping，否則，就我所見，和理非都係企係度多，和應下口號，嗌口號成粒鐘，最後興味索然走人算。如果你係和理非，試過去到現場聚左人但其實無實質行動，請keep reading。
為解決呢個問題，其實和理非需要Join埋一齊出現，一齊完成任務，先唔會浪費左你抽空出現的時間。就好似玩大學Ocamp咁，1個人係條街扮狗叫當然唔敢，但10+個Ocamp人成隊扮狗叫，通常10個都敢，而通常呢10個仲要係唔識對方 [迎新營呀嘛]。人多，就唔會覺得入名店叫口號係Mission Impossible，即使係和理非。
但，無端端三唔識七，點會一齊出現呢? 偉大的 Telegram 幫到你。但需要有預設的 Ground Rules 和破壞 Rules 的 Punishment。
首先，要有個人(最好係會落街參與和你SHOP的和理非，不是冷氣軍師) 開1個TG Group，目標是~ 20人，人滿就不再recruit，因為人多怕訊息太亂。點解20個人? 差不多Ocamp一隊人數，同埋不是次次任務都會100% attendance。
Ground Rules：
Group入面
(1) 唔可以講犯法野
(2) 唔可以鼓勵犯法野
(3) 唔可以問/講 Personal details
[大家都知邊d可講，我在龍門冰室都同對面阿嬏暢所欲言啦，但唔會無端端自爆名字/電話]
Punishment：
其實好簡單，邊個組員犯規，踢佢出Group；或者，Admin係鬼，想chok大家Personal野/講犯法野，大家自己退Group/另開Group。
大家都知，和理非的好處是：做野永遠合法，beyond reproach，所以form group都唔需太避忌，有鬼超易捉[一講犯法野即踢走]。而入過大Group就知：成日無端端捉鬼，跟住重要任務其間就被捉鬼msg洗版哂，如果一個和理非入左大Group，真係唔知講咩好，明明和你Shop本來可以(扮)和平進行。當然，有勇武幫手，事情發展會快d，但係咁代表要送頭，和理非如果連線到，可能唔需要再送頭，或者送頭大大減低可能。
咁form左個TG group，咁又點呢？
咁就可以約實時間一齊10+人玩Ocamp，完成合法任務 [可抄上述時代商場e.g./參照連登Post下討論]。約實咩時間等[最好跟文宣集合時間]，咩位置等[e.g. 時代2/F]，一半人blackbloc一半人街坊look一半人貴婦look，自己組內set見面暗號[e.g. “而家特首係咪仲係林鄭？” “好似係黑警喎”]。差不多齊人 [如果想更多人，當然亦可以問下隔離team “shopping tgt ma?”]，就可以自由發揮，嗌口號/lead唱歌/大嗌“Shopping shopping”入名店…等等等合法任務。
做任務其間，如果發現有組員想做犯法野，唔使勸/阻/幫/cover/捉鬼，大家自動波走開，繼續real or fake shopping，總之和理非係隨時可real隨時可fake，大家憑自己原則做野/走開。
咁邊個人 form group？
Any 和理非，尤其是一直都得自己或同另一半出現的，發現成日去到但無咩發揮。如果和理非有其他Ground Rules，需入Group前事先講明 (e.g. 我呢個group唔歡迎blackbloc朋友，想行貴婦風，因為目標 = Gucci，諗到優雅方法KO任務)。
建議想玩Ocamp朋友，下面可留言 TG group link + Ocamp Description + Ground Rules；至於無連登Acc的和理非[相信佔大多數]，請按自己shopping喜好入Group，20人左右好了。
Template：
(1)
描述：星期六 – 時代 [代號: 我係靚女]
要求：永遠合法
(2)
描述：星期六日 – 沙田 [代號: 太陽出黎]
要求：永遠合法 + 街坊look preferred
(3)
描述：星期日5點後 – 大埔
要求：永遠合法 + 合法勇武 [e.g. 不介意在黑手足和防暴前面扮經過做緩衝] + 不介意留到深夜
(4)
描述：平日放工後 – 沙田
要求：永遠合法 + 西裝 look preferred + 絕招：扮傾生意
(5)
描述：平日放工後 – 時代
要求：永遠合法 + 不介意係中庭放文宣在地下
(6)
描述：平日放工後 – SOGO
要求：永遠合法 + 可成程/半程講英文扮ABC
(7)
描述：平日放工後 – 沙田
要求：永遠合法 + 流利國語
(8)
描述：星期日 – 沙田
要求：永遠合法 + 唱功了得/可以lead唱
(9)
描述：星期日 – 沙田
要求：永遠合法 + 想要一半男一半女 + 入Group要講性別
(10)
描述：星期日 – 沙田
要求：永遠合法 + 要著波衫+ 扮打波友
(11)
描述：星期日 – 沙田
要求：永遠合法
等等等等… [上述有d搞下gag啫，但的確有d和理非係好有創意，你覺得扮情侶有用/拎住籃球有自信d，隨便講，但真係無人入group就好降低要求啦… ]
重有一點：互相監察，唔係叫你捉鬼，而係一見面，大家有共識咁拉下件衫/攝衫+唔好帶earphone… 雖然唔預做犯法野，但都用2秒check下，買個安心
認為有用，請推上熱門；希望除左有五毛拉，都有真手足推，最好下方有Group Link出現，俾大量無連登戶口人加入Group。Group Link 希望在 TG 各平台都見到。
200萬人，假設20人一組，都有10萬組啦，時代一層一組20人圍住店舖練跑/名店門前拎camera不停flashlight影相趕客，點都得啦!
記住：以上建議，永遠合法者最為適用。
Food for thought：其實所有和理非活動都岩使架... 自己諗諗...其實成個運動好多人建議過不同類型的和理非活動，建議當時未必奏效，但而家已經係長期抗爭mode，得間可以revisit下。
手足好波