1997/4/10 女
凌晨三點半
想問下呢幾年嘅學業（尤其今年）
同埋感情狀況
btw想問下巴打睇嘅係咩書？
壬日辰月 水氣閉塞而停 幸好甲木透出
尚可疏土
正格身弱 但因為行緊丙午大運 身再弱
較易有病痛 今年好過舊年少少 因為舊年差
今年學業 唔太好 因財破印 又身弱 食傷生財
食傷為秀氣之星 但因食傷生財 秀氣被洩
姻緣 明後年都會有 但後年較好
利申 ：鳩up
咩書？ 上網睇 冇睇香港上電視的風水師 只睇古書
同我算嘅差唔多，呢個係我女朋友嘅八字嚟
九個月前開始拍拖，我個人覺得佢入丙午大運，財可生官，所以應該火運就開始有姻緣嘅跡象
上年申年內藏戊土為官星，所以同我開始拍拖。
btw自己算下年好大可能同佢分手盡人事算
身弱嘅話應該唔係泄秀，而係泄身？
而且其實有小小兩難嘅局面，想以官生印，佢身太弱，受唔起壓力
增強印星嘅話，又比火剋
唯獨金水同用會好小小，希望佢今年考到入U啦
有無咩古書介紹下？我個人有睇過千里命稿，入門好唔錯
市面上嘅風水書有一個我幾buy嘅：李居明
我最buy嘅佢將八字生活化得幾唔錯
其實 我係講食傷係秀氣之星 但地支無根無氣 所以沒有洩出秀氣來 再加上丙午運 甲木被財所洩走
即忌神被另一個忌神洩走的意思
利申 鳩up 咩都唔識
窮通寶鑑可以參考 但又好難搵到1個百份之百一樣的命盤 所以都係睇氣是否通順 我個人覺得 病藥論幾有趣 將扶益再細分
我反而覺得其實原局嚟講最好取金水為用，木嘅話其實都有幫助（木剋辰丑土），但因為木生火同時日支寅午半合火嘅關係，所以木反而不成氣候，而火再生土……生忌神就唔好講鳥
想問下你會取咩天干同地支為用？
反應：我女朋友從細就有皮膚敏感，小小貧血嘅問題
btw窮通寶鑑個人覺得唔簡單
當然都係金水
金就辛申酉 因為辛金為壬水真神 合丙也化水
水就壬亥子 不需多講掛
但你女朋友 命中只能當丑土當微根 因為辰下甲上
清明前 一日 我覺得都係以木氣去睇
其實正格身弱 一定多病痛 但應係邊個位 真係未了解
利申 鳩up
Sor 剛剛先見番丁丑年
等39歲行申運
但你女朋友69歲先行金水運
因為59庚戌 三合火 丁壬隔位不合 丁還是丁
其實 你女朋友條命 我覺得唔算太好
利申 鳩up
佢條命真心唔太好，不過講翻轉頭，我覺得庚金可以做次要，身弱者正偏印皆為用，同時庚金剋制木有功，雖然庚金比辛更怕火……
酉金辛金固然生壬水最有功，但係申可以拱命局辰嘅水局，所以又係一個功臣，而且申係壬水嘅長生，爽歪歪
反而我個人覺得亥水唔太得，關鍵佢同寅合木，亥未又拱木，反而對日主嘅泄身更甚，仲有亥申相害呢一下傷申金元氣
我個人取嘅用神係庚辛壬（癸怕戊合火，所以不取）
地支嘅話就申酉金（子丑合濕土故不取用），巳丑合用（最好有酉），申巳合用，三合三會金局少不了
個人覺得，睇病痛嘅話其實最簡單個大方向就係睇五行邊個氣勢最強，通常果個五行代表嘅部位會比較弱，甚或如果有制嘅現象一定係被制嘅五行代表嘅器官出事
原局地支三合三會嘅話十有八九係果部分出問題
我比埋我個盤你參考一下啦，希望對你嘅練習會有幫助
丙子年甲午月戊戌日辛酉時
男
題外話，個人覺得女朋友官殺混雜，但在於身弱導致敢諗綠帽但唔敢去做/比較怕拍拖談戀愛或者結婚，你點睇？
btw都想有個同好交流下，唔介意嘅話能否留個TG？
