點解12月都有床蝨架!!!!!!（長文）

上年三四月中過招，開過post求救個陣源頭係張棉被同床辱，我就掉左，枕頭同公仔拎左去乾洗啦。但個陣好奇怪嘅係佢地只係張床出沒，冇出到去衣櫃、書櫃甚至屋企人間房。總之全家得我張床有事。點清就唔多講，清完頭個兩個月都有噴下無敵士，見冇乜野就冇keep住。過左一年半，最易出嘅春夏都相安無事。

直到星期五，番番下工覺得手臂好痕，見到有粒野以為比啲咩咬啦就冇理，星期六都冇再增加，星期日收工番到屋企，沖涼前照下鏡見到腋下好多粒粒，以為生風難就只係食過敏藥。到琴日番緊工開始係咁出係咁出，以為係公司有啲咩搞到我咁。今朝起身覺得唔對路，就仔細咁照下張床，比我發現到隻仆街仔一禁即刻爆哂血應該啱啱先咬完我 即刻叫老豆幫我買兩支無敵士諗住今晚噴一噴先，無奈今日同聽日要番工冇得即時解決。

大家認為放假拎哂床啲野去乾洗同埋曬下好，定係直接叫滅蟲公司上黎搞搞佢好

推

搬屋最好

自己清係好辛苦
想方便同斷手尾就叫滅蟲公司

利申 有過 自己清
但前後搞咗年幾兩年
好痛苦

頭先打左去問 講左情況比佢知 佢話似係出面惹番黎 屌乜我咁有吸引力咩 下下都係我中 佢地話可以淨係做一間房 但想安全就最好做成間 咁佢要做生意就緊係咁講啦 但我屋企人又真係一直都冇惹到呢啲野 甚至我上次搞左成兩三個月都冇蔓延到佢地度 勁奇怪佢地啲生活習慣仲差過我 但乜事都冇

推

過來人，被咬左成年，好多滅蟲都用過都係無用，之後係淘寶買左張類似電墊啲嘢，一個星期左右冇晒，非鼓吹鼓吹用淘寶，但香港好似冇得買。

我角落頭有4戶人

A | 走 | B
C | 廊 | D

2015 年1 月，B戶有床蝨，掉傢私，床蝨走左黎我C戶
2015 年 6 月 ，Call 滅蟲搞，包一個月，所以call 左 2 次，噴藥水，霧化器，
2015年12月，冇左半年又再出黎再call 兩次，又維左1年左右
2016年尾又有返，之後就轉用DE粉，work work 地，維持左2年幾
2019年5月，A戶咬到要睇皮膚科，搬走左清屋，床蝨冇野食走晒黎，C , D , B，頭幾日晚晚行軍式咁出黎
幾戶人一齊用DE粉，噴天鹽清，每星期換一次，一個半月左右就有安樂覺訓。

結論係，隔離屋唔一齊清，野左過去，過多一排又會野返你轉頭

點乾淨都冇用， 一定要搵滅蟲公司

巴打 雖然係好頭痕
但係滅之前你可以收集黎比大家做蟲系魔法

買隻叫毒磷靈既農藥返黎,唔好開太稀噴兩到三次就清到

搵公司 屋企唔大既唔過八百呎兩千五蚊應該都ko到
暫時第二個月 應該真係斷左尾
難聽講句 再出現我都唔介意比兩千換幾個月安寧

我又想問下除蟲公司用咩方法，同我自己搞差幾遠呢??
同埋佢地整完係唔係床單床鋪都唔洗換，咩都即日清晒??
同埋佢整係全屋整，唔係一間半間房整?

不過咩

唔知做咩斷左
不過我掉左幾個舊枕頭、同兩張可摺比外人過嘢啲𥱊。記得滅蟲嗰陣最主要都係床褥邊
啲蛋基本都係入面 床褥最嚴重受影響既嗰張都換吧
係藥水味真心臭，執屋都煩

我果張係 仙佬咩z 成皮野 唔捨得掉

我知呀 但好笑嘅係全家得我奶野 屋企有老豆同呀哥 我當老豆年紀大對班仆街冇反應 咁如果全家都奶野 照計我哥都會比野咬 佢間房直頭垃圾房咁 但乜事都冇

有諗過捉隻放入去玩 反正係隔離

我本身斷左成年半 前日冇啦啦比野咬 琴日朝早捉到隻紅卜卜 啱啱吸完血嘅 知道仆街 就搵左滅蟲