【Lunchtime recap】唔知點解突然間咁多人嗌「香港獨立，唯一出路」？我哋回帶返12.22嘅維吾爾族人權集會

高學歷廢青 2019-12-23 13:14:02

如果有人上連登，突然間見到好多人開始叫「香港獨立，唯一出路」覺得好突然，好驚有人帶風向，唔使驚，係因爲星期日12.22嘅維吾爾族人權集會，激發咗好多人嘅政治覺悟。

首先，足本錄影：https://www.youtube.com/watch?v=jHkr2IYEezY

唔想睇哂嘅，以下係幾點我個人覺得最重要：

【「一國兩制」「高度自治」，同埋《基本法》嘅奸計】
1. 1951年，藏人同中共簽咗《十七條協議》，保證現有政治體制不變，確保藏人自治，保障宗教自由，保護藏人語文，解放軍入西藏需要遵守西藏自治政府嘅監管，而且宣佈西藏成爲中國不可分裂嘅一部分。
2. 由此可見，「一國兩制」「高度自治」其實已經嘗試過，但西藏嘅下場就係：中共大舉滲入，藏人起義失敗，中共屠城，達賴喇嘛率領幾萬藏人到印度成立流亡政府。至今，西藏嘅藏人剩返10%。
3. 同一樣嘢，喺新疆（正名：東突厥斯坦）進行緊，首先呃你信「維吾爾人自治」，跟住滲入你，用紅色資金或者武力控制一切，殖民你嘅家園，你反抗就話你係恐怖主義，繼而屠城。
4. 新疆玩完，就會到香港。
5. 寫《基本法》嗰班人同寫《十七條協議》班人一樣都係共產黨員，香港人根本冇投過票話要接納《基本法》。但係香港人細細個就被教育「基本法係聖經，無咗基本法香港就會陸沉。」

【「中華民族」嘅謊言】
1. 「中國人」呢個concept係香港開埠之後先出現，連孫中山自己去留學嗰時都唔知「國籍」呢讓嘢應該填乜。
2. 「中國人」呢個concept係由「五族共和」爆出嚟，事源一班漢族人推翻滿族人嘅清朝，但係新政權又想繼續控制清朝版圖以內嘅多個唔同民族，所以就發明咗「中國民族」呢個concept：「你唔係維吾爾人，你係中國人；你唔係漢人，你係中國人；大家都係中國人，所以大家都要被中國政府統治」。
3. 一個民族，會有自己一套嘅語言，一班人共同經歷過嘅歷史，價值觀，信仰，飲食，文化，甚至血統。就呢幾個方面，維吾爾人根本同北京人完全唔同，所以根本唔係同一個民族。維吾爾人唔係北京人，但係被迫成爲中國人，被迫成爲中國不可分裂嘅一部分。
4. 香港人亦都唔係北京人，但係被迫成爲中國人，被迫成爲中國不可分裂嘅一部分。

文宣范宋中 2019-12-23 13:15:48

[騎劫政府廣告]愛和平與警暴割席
https://lih.kg/1794352
- 分享自 LIHKG 討論區

磨練 2019-12-23 13:15:54