[多圖遊記]拜訪美帝西岸之旅(三藩市+洛杉磯+拉斯維加斯)+國泰頭等艙體驗

我去左2次
冇你影得咁靚
btw冇去glacier point？
夜晚既Yosemite係靚到癲
搵個空曠地方睇星星 成個星空包住你感覺

劉明支持

Support

LM 下個月去SF

巴打影得好靚
去咗兩次美國都冇去到
一次行程唔啱 一次山火

跟一日團去Yosemite，
所以冇去到Glacier Point
但係我上網睇過啲相，好靚！
下次再去會留過夜，去多啲地方，兼睇埋星

我喺Klook報呢個團，
呢個團係Grayline搞嘅英文團，
其實唔多亞洲人喺團入面（少過10個），
當然有一個麻煩友已經可以拖累成個旅程

我諗中國遊客比較鐘意shopping購物，買名牌，
多過睇呢啲自然風景掛，
加上係英文團，
講國語/普通話嘅人都比較少

你係咪學過攝影？你影相好靚！！

你間酒店都應該唔平

—Day 4 (美國獨立日) 之 迷霧裏最遠處吹來煙花聲—

嚟到行程嘅第4日，
呢日嘅行程唔多，
主要留喺漁人碼頭同金門大橋附近，
順便睇埋為慶祝獨立日而放嘅煙花

朝早9點嘅Market Street，
遠處仲見到渡輪大廈


1. 早午餐 — Boudin Bakery

第一站，就係去有160年製作酸麵包歷史嘅Boudin Bakery
漁人碼頭附近嘅Boudin Bakery

入咗去之後，會發現頭頂上面有條運輸帶運送住新鮮嘅麵包由鋪頭嘅一邊去另一邊。
https://www.youtube.com/embed/FqNml0SfI6g

因為呢度有一邊係佢哋嘅工場


Sourdough嘅最重要材料，
Mother Dough


而另一邊就係佢哋cafe

有好多唔同造型嘅酸麵包


點咗個Eggs Benedict，
同埋嚟到三藩市必食嘅Clam Chowder in Sourdough Bread Bowl
周打蜆湯配酸麵包碗

個周打蜆湯真心正，
熱辣辣又濃厚嘅忌廉湯加上鮮甜嘅蜆
而個酸麵包碗外脆內軟，
微微嘅酸味加上濃濃嘅周打蜆湯，
將兩樣本身已經好味道嘅食物，
再提升多一個層次
難怪佢成為嚟到三藩市必食嘅菜式

Boudin Bakery仲有個博物館介紹佢哋嘅酸麵包，
仲有好趣緻嘅酸麵包，
好想咬佢哋一啖


參觀完Boudin之後，
我就沿住海邊向金門大橋方向行

2. 機械博物館 Musée Mécanique

Musée Mécanique放咗好多街機，
仲要係全部都用得嘅，
有啲仲幾古老添

Old Time Movies XXX，
唔知有咩睇呢


3. Hyde Street Pier

呢度泊咗幾有過百年歷史嘅船舶，
其中一艘帆船，
係喺1895年建成嘅C.A Thayer


4. Ghirardelli Square

喺Hyde Street Pier再行過啲就係Ghirardelli Square
呢度原本係朱古力廠，
之後就改建成為一個商場



而我嚟呢度就係為咗去
Ghirardelli朱古力專門店，

食呢個The World Famous Hot Fudge Sundae


入到去，最吸引我嘅唔係個雪糕，
反而係濃濃嘅朱古力香味
因為呢度係有即場整嘅朱古力



入返正題，
The World Famous Hot Fudge Sundae
喺冰凍嘅雲呢拿雪糕上面，
淋上濃厚嘅熱溶朱古力
冰火口感，有誰不愛


食完出返黎仲可以欣賞連三藩市海事國家歷史公園全景

同埋惡魔島



5. 金門大橋 Golden Gate Bridge
下一個景點就係三藩市嘅地標，
金門大橋

好可惜，天意弄人
嚟到地標中嘅地標先嚟起霧

以下落嚟唯有show啲神龍見首不見尾嘅金門大橋俾大家睇




6. 藝術宮 Palace of Fine Arts 藝術宮

藝術宮係為咗1915年世界博覽會而建嘅，
用嚟擺藝術品，都幾宏偉吓嘅




藝術宮嘅圓頂

去嘅時候仲有人吹風笛
https://youtu.be/r0Pig1h8Omc

—Day 4 (美國獨立日) 之 迷霧裏最遠處吹來煙花聲(續)—

7. 灣區雙橋遊船之旅 Bridge 2 Bridge Cruise

之後就返到漁人碼頭，
參加灣區雙橋遊船之旅，
全程大概個半鐘，
同普通版遊船河唔同嘅係，
除咗遊覽三藩市灣外，
艘船仲會穿過兩條大橋，
金門大橋同海灣大橋

Red and White Fleet碼頭



今次就係坐呢隻船


成功we connect海鷗，
真正同我哋並肩而行
https://youtu.be/2peE6zSNeD4

穿過金門大橋


橋底


經過惡魔島，
本身想上島睇吓，
但係果日嘅飛賣晒



Ghirardelli Square


漁人碼頭嘅Pier 39


科伊特塔



三藩市嘅商業區



穿過海灣大橋



個半鐘嘅船河以一幅掛喺船尾，
並且正在飄揚中嘅美國國旗完結


返到漁人碼頭，
我都真正開始遊覽吓呢一帶

8. 漁人碼頭 Fisherman’s Wharf

漁人碼頭嘅招牌


Pier 43 Ferry Arch同
SS Jeremiah O’Brien

呢個碼頭係喺以前用黎運送列車上岸嘅
而後面嘅SS Jeremiah O’Brien就曾參與過二戰時期嘅諾曼第戰役

再行過啲就到咗Pier 39
Pier 39有好多打卡位






呢度有好多商店食肆



仲有個旋轉木馬


士多啤梨都要配朱古力醬，再點嚟食，
難怪美國啲人咁大份，
作為肥仔嘅我超欣賞呢個配搭


Pier 39另一重點，
海獅 — 威威師令

全場最威果隻
岳高晒個頭，完全係威到目中無人嘅feel

而佢後面果隻pat嘢就係我每日嘅寫照

話之你班人類，我有我繼續懶洋洋咁瞓


其實後面仲有一堆，
不過今日算好少海獅(loser)喺度
因為佢哋大部分會喺呢個時候出海交配繁殖

附送佢哋嘅嚎叫聲
https://youtu.be/ok3cPzLMaz0

9. 晚餐 Fog Harbor Fish House

今晚嘅晚餐喺Pier 39嘅Fog Harbor Fish House食，
方便食完之後去睇煙花


叫咗3樣菜式，有兩樣係嚟三藩市必食嘅

第一樣係Garlic Roasted Whole Dungeness Crab
蒜蓉大螃蟹 (首長黃道蟹)


第二樣係Lazy Cioppino
Cioppino係意式燉海鮮湯
而Lazy Cioppino就係為我呢啲懶人而設嘅，
唔洗剝蟹殻版意式燉海鮮湯
雖然係意式，但係佢嘅來源係三藩市
濃濃嘅蕃茄香，
加上海鮮嘅鮮甜，
仲有香草同胡椒嘅點綴
係我今餐最喜歡的一道菜


第三樣係Linguini & Clams
蜆肉扁意粉
蜆肉鮮甜，
配上蒜蓉、芝士、牛油、同欖油意粉
好好味呀!


10. 獨立日煙花匯演 Independence Day Fireworks Display

嚟到今日嘅重頭戲，
獨立日煙花匯演
晚上9點半正式開始!
立即去片!!!
https://youtu.be/74P0ilP4uO4

真。迷霧裏最遠處吹來煙花聲

Erm….我諗呢度冇我嘅事
我都係返酒店先，
聽日09:15機去LA

Day 4 小總結

三藩市之旅就此完結。
差唔多大部份大路嘅景點都有去到，
仲可以感受到每年得一次嘅美國獨立日氣氛，
好有滿足感

而三藩市嘅大霧的確令我覺得有少少遺憾，
不過另一面睇
都叫做體驗到三藩市出晒名嘅大霧

—————————————————
下一章
—Day 5 之 荷里活有條小水魚—

Thanks!!!!
我喺出發之前上網睇過幾篇教影相嘅文，就開始影，
冇特登上堂去學影相

埋單4晚845.64USD，大概6500HKD
即係每晚大概1625HKD

可能撞正獨立日假期，所以房價比平日貴少少

感覺唔係歷史撚都幾悶下

巴打教埋影相
好想同老母去美國
唔識渣車去LA係咪唔使去

我去成個trip都冇渣車，
兼我去果排LA好似暫停咗某部份地鐵做維修同upgrade，
所以如果冇公共交通工具，
或者巴士地鐵要勁耐先去到，
我主要都靠Uber，
都去到晒啲大路嘅景點

Hollywood, Griffith Observatory, Downtown, Beverly Hills, Getty同Santa Monica, 全部都去到

其實call uber/lyft都幾好，
起碼唔洗搵位泊車，
又唔洗自己渣，
驚住hi花架車，同撞到嘢

話時話，啲uber司機好多都好好傾
除咗介紹佢哋嘅城市外，
差唔多個個知道我係香港人，
都問我呢排香港示威啲嘢


估唔到隔咗成個太平洋嘅佢哋都會關注
有少少surprise

正

巴打住邊間洒店
有冇覺得治安好差？好似玩GTA咁？

留名支持


等緊LA , LV 嘅景點分享

好撚正

點解唔洗喺越南出發嘅？

喺LA，我住機場隔離間Hilton，
（因為有好多空姐住果度）
因為喺LA嘅第一日一朝早就到，
想喺附近放低行李先，
而且LA嘅第三日就09:10機去Las Vegas，
所以想住得近機場啲

如果想住靚酒店嘅話，
我本身諗住住downtown間InterContinental，
佢啲房因為喺全LA其中一棟最高嘅大廈，
個景應該超靚，
而且個Lobby係喺棟大廈嘅頂樓，
望落去好似好正
不過因為上面嘅原因就冇book到佢

治安方面，
可能因為我主要去景點同遊客區，
所以覺得治安還好嘅，
比起歐洲某啲城市仲好

而沉迷咗GTA V Online兩年嘅我
喺現實世界見返遊戲入面嘅建築物，
真心有啲感動

要呀，不過我只係喺河內機場過一晚夜，冇週圍去，所以就入正題先，遲啲先同大家分享

下面係果段時間影嘅幾張相，

黃昏時段嘅河內機場外面


河內機場嘅departure kerb


離境大堂，Check in counters


飛機膠時間
阿聯酋 B777-300ER

地頭蟲，越南航空A350

我坐返香港果架港龍A321


港龍杯Summer Breeze好好飲

住近機會咁去主要景點搭uber咪好貴
係咪好塞車

好正好想同老母去