歐洲餐桌文化

餐桌文化

由於自己第一次黎歐洲，以下都係我觀察甚至中伏咁學返黎

1）嚮餐廳叫waiter/ waitress 唔好舉高隻手，更加唔好開口叫人過黎，淨係舉手（唔理你出唔出聲）已經係無禮貌既行為。
咁要叫waiter/waitress 點應該點做？
用眼神...
佢地見到你望佢佢就知你叫佢。
我係認真的。

2）大家cheers 之後飲既第一啖要望住對方對眼。唔係既話會有bad luck。

3）Cheers 唔可以用水，又有版本係只可以用酒精cheers，又係bad luck。

4）一般係唔會share 野食，每人叫自己食自己，就算食pizza 都係一人一個pizza 自己食。

5）AA ：朋友食飯有時AA 到自己飲幾多杯酒都計返，埋單既時候分開埋，Waiter/waitress 會攞card 機一個一個咁問你碌幾多。
暫時我未嚮依邊見過個類似三姑婆同八姨丈搶埋單嘅情況。

6）一般餐廳service charge 係optional，嚮張單寫到明，不過service 唔係太差既話正常都會比。當然on top 你可以再比tips 。
嚮好多地方，tips係佢地一個重要既收入來源，所以開心就比啦。

7）飲酒係一件日常食飯入面普通既環節，唔洗大時大節先開支酒，餐廳wine list 都會比較多選擇。

頭盔：盡我能力向呢度嘅人求証以上寫既野，不過我黎得個幾個月睇到既野可能好表面。

好多朋友都嚮英國/歐洲生活過，如果有唔錯既留言提下我又或者有其他文化差別都歡迎講黎聽下，我對呢個題目十級好奇。

https://m.facebook.com/fatcookpage/