[10年] 仲有冇人記得/鍾意紅薯夫婦

咁我又覺得拍得我結呢個節目, 又到影婚紗嘅時候
如果連少少錫都唔俾又未免有啲倒米
已經唔洗咀對咀

不過我覺得小賢都唔會太介意, 係要啲時間準備下衝破心理關口啫
日本行開始佢已經唔點抗拒skinship, 有時仲好主動添
容和喺按摩店捉住佢隻腳, 公園back hug, 滑雪場酒店攬頭攬頸佢都無討厭果種反抗
唔係有一定熟識/好感真係無理由會咁

啱啱睇到臨尾有幕容和去錄節目小賢坐咖啡店等佢
容和一返嚟小賢就即刻嗲佢做乜咁遲
真心覺得唔係做效果, 似足小女友

雖然唔關紅薯事, 但有日坐咗個幾鐘車就係為咗影서현站個牌
如果第日有個용화站我都去影下先

然後無記錯嘅話就係去咗建國大學站影生日應援
要等無乜人行過先影都唔易

有日去咗龍山家族公園
學佢哋咁喺草地奔跑
又喺個舞台上面跳咗幾下Genie
諗起都好kai

佢哋去按摩嘅THE FOOT SHOP
門口掛個牌寫明呢度係我結第2季約會場所

緣份嘅起點MBC大樓

容和去錄節目時小賢去嘅Delta CAFES
專登坐返小賢大概坐嘅位
一直望下店外去感受佢當時等老公嘅焦急心情

同小叔子汗蒸幕嘅梨泰院Land
門口淨係寫CNBLUE唔提小賢
去返佢哋坐過嘅地下、房、按摩椅
當然唔少得去小賣部買返幾隻蛋嚟食(無玩)

22日約會去嘅弘大獻血之家
好唔知醜地離遠企喺個中心出面zoom遠景影
勁尷尬

你好勁

有日又去返狎鷗亭果帶
首先去咗我結時期小賢嘅宿舍同埋附近嘅散步路
咁啱呢排睇返大結局果2集
諗起小賢喺門口出出入入咗唔知幾多次, 依依不捨嘅樣就好心傷

附近有間COFIOCA好多SM藝人幫襯過
貼滿晒佢哋嘅簽名同留言
小賢09年果陣嘅簽名有好大粒星
依家個簽名就成條直線咁

之前提過間意粉屋已經執咗


島山公園張長椅確認咗係呢張
好似影到對著咗couple tee嘅情侶


另外補返佢哋共同用嘅美容室同婚紗店

由狎鷗亭行去新沙, 再慢慢向漢江方向前進
就嚟到蠶院漢江公園嘅籃球場
呢度係夫婦大戰容和SM小賢嘅地方

跟住同佢哋一樣去咗咖啡店Happy Plus Cafe
呢度曾經叫彩虹咖啡店
唔知點解無影返佢哋坐嘅位, 可能擺位已經唔同咗或者當時醒唔起
總之我無幫襯就入咗去影相, 都幾樣衰

盤浦大橋嘅月光彩虹噴泉
佢哋搭水上的士果陣有經過

2個人去睇阿凡達嘅永登浦戲院
好似唔記得咗搵小賢問容和22day嘅咖啡店
唯有影啲類似嘢補數

有日去返樂天世界補相
影返上次影漏咗嘅bungee同埋佢哋離開嘅出口

同日夜晚11點到達清涼里站
為咗紅薯夫婦第一次長征
正東津I am coming

大家覺得佢地係咪一齊去bali

睇完爆料區 開左紅薯黎睇
入左坑

最深刻係J&S係日本演唱平語頌
鄭容和個樣係shy到不得之了
完全係曖昧期果種情竇初開咁
佢完全控制唔到自己個表情

我覺得佢地係一齊去
鄭仲要post張教堂相
極度懷疑佢地去睇結婚場地

好想佢地快d公開
好心急呀呀呀呀呀呀

我今個星期睇第四次紅薯啦想快啲有新野睇