點先可以無咁重視一個人

當你好上心好在意既時候，
可能少少事都會覺得好難受。

好多失望好多唔開心不斷累積緊，
情緒都開始好失控。
我成日都亂諗，好無安全感。
我淨係需要你無嘢做既時間可以搵下關心下我，
應承咗既可以做到，唔好呃我，係咪都好難...
距離已經令大家唔可以好似一般人咁陪伴住對方，
可能你覺得一開始一齊已經longd我就應該要預咗有咩事得自己面對，
其實我都好想有你陪我，
有事既時候有你好好咁關心我。
可能我既唔開心令到你好大壓力啦，
雖然你無講，
但我都feel到你唔係好想理我或者放時間係我身上，
我都唔知點做好，
因為我都控制唔到。
諗住你返唔到嚟，得自己一個果邊，應該好唔開心。
所以想快啲chur完啲功課，做好哂啲嘢，就飛過嚟陪你過聖誕。
其實可能你覺得自己一個打下機，睇下片仲開心。

我都唔想再咁重視所有嘢，因為不斷咁失望唔開心好辛苦，可以點做？
唔可以同朋友講，
唯有上嚟9up下。

係正常嫁喎 你夾硬搵其他嘢做麻醉自己都會諗起㗎啦

Same here

我明

當你好忙就會忽略左架啦 搵多啲嘢做啦

好忙了又要忙香港又要忙功課，但我都係會記得

到靜落黎又咪係自己一個

係，所以先想解決，唔想長期落去自己唔開心之餘仲辛苦到對方

係

好唔想少少事都要崩潰咁麻煩

嗚一齊諗辦法解決

解決辦法就係搵到下一個你重視嘅人 無限loop

以為自己開post
不過我頂唔順佢keep住講大話
最後分手

我以為自己可以放下，但最後都唔得，真係好痛苦

我淨係愛佢一個 好想以後都唔需要搵其他人

等第二個人愛妳

坦白講，要人愛妳嘅因素係妳有吸引力，而愛佢絕對唔係令佢一定會愛你嘅因素。因此，其實妳愛唔愛佢都唔係重點，重要嘅係妳有冇競爭力。最簡單例子，有冇其他人追妳？佢有冇競爭者？如果佢唔愛妳，妳有冇其他選擇？有左呢啲基本嘢，咁先再考慮妳愛唔愛佢。

我明...講過一次大話就算好小事都好，以後你都會忍唔住質疑佢...

太重視會有反效果.....
你會容易慢慢咁失去自己，會太過傾向佢，到時喺人哋眼中只係舊煩膠

講得啱，每次失敗嘅戀愛背後反思都係因為呢個。

其實呢個係人嘅性格問題，有啲人會有討好型性格，唯有自己醒番，去搵番自身嘅價值。

可惜嘅係佢keep 住講
有同佢講過唔鍾意人地講大話
之後佢話我講大話都係因為驚我嬲
明知我唔鍾意 都重要去做
已經都lond d 重要唔講真話
真係頂唔順分手
今日諗住 delete 同佢嘅相
發覺好難放底

未一齊之前都有幾個人追，但一齊之後連同異性傾計都好少，亦唔會隨便比電話其他人。正常人同人一齊之後想認真發展都會公開關係，又點會keep住比人追。。。

完全明白，我已經唔記得以前既自己係點

大家嘅愛都唔對等
咁樣會好辛苦
直接同對方講
無解決方法就冷靜吓
最緊要係你要照顧自己嘅感受