爸爸過咗身

Rip!好快捱過！

樓主你自己要保重先。
最重要緒方面一定要宣洩出泥，例如哭又或姐找朋友傾訴。
如果辦後事方面有什麼唔知点做可以問。

take care 呢個情況唔易過 但係總會過的

無錯 唔好強行令自己覺得無傷心
從悲傷中走出黎係需要時間
到某啲時間 你會知你可以
唔代表以後諗起佢唔會喊
而係心中留一個位比佢

絲打，我明你感受。
我爸爸都係前個月走左，突然猝死，呢排先完成佢身後事
琴日去咗長生店，一個活生生嘅肉體最後變為骨灰....

正係同左幾個朋友講過，其實好多人都有關心我，但我性格比較活得壓抑，不嬲隱藏真正自我，呢啲家事根本唔會同到其他人傾訴到。

明明我先岩岩出黎做嘢無耐，爸爸退休應該可以享清福，佢年輕個時人生大起大落，由有車有樓變返零，中年先同我媽媽結婚。

最辛苦就係返工，日日戴住個面具做人...返到屋企先敢sad，喊。呢排先同下朋友出下街咁。

樓主撐住，要陪住你屋企人。
我自己偏向信佛，晚晚睇左好多道義去平復心情。我都唔知點安慰你好...因為九成安慰說話都入唔到耳，以我個人經歷，呢啲咩節哀順變/你要開心啲當真係唔識回應。

相信時間會令我地成長，共勉之。

休學 去創業

人生總有好多遺憾 堅強啲行落去
好好照顧阿媽

經濟點呀？只能說加油了，人生

Take care

Take care!!! 知道依段時間係好難捱
加油

take care

2年前我爸爸都離開左我地，頭半年係好唔好受...當時都係去多左旅行，不斷做野盲目自己。但係好多時都會諗起佢，個心都會好痛...但無辦法，咪自己搵下d野做沖淡d。
樓主要睇開d,人終須有一別...唯一可以做既咪答應佢照顧好屋企人，對屋企人好d, 唔好再令自己後悔。

RIP. Take care!

樓主Take care , 要振作。

人終有一死，始終有一日會面對呢啲事，喊完就要企番起身。你爸爸會喺天上面保祐你

你爸爸仲住係你地心入面
生老病死人人都避唔過
任何生物都只可以掙扎 掙扎 掙扎到最後一刻
絕對唔可以提早放棄

照顧伯母啊！

你嘅感受我好明白
你爸爸一定好希望你地可以繼續好好咁生活，唔會希望你地一直都抽離唔到佢已經離開嘅事實。就算佢唔係度，佢永遠都係你地最愛嘅人，你地知道你地永遠都唔會忘記佢就ok
過時過節好好咁拜下佢🙏🏻
加油