見到出面有個post討論白兵係唔係鬼
大家都討論得咁熱烈
但竟然好似無人發現核心問題
一個適用係所有KOL嘅問題
每個人有自己立場係正常,問題係你肯唔肯承認自己有立場
其實唔止標題講個幾個
大家如果有聽開嘅人都可以留意下佢哋會唔會發表完有立場嘅言論之後死撐話自己無立場
至於我覺標題個幾個邊個成日戴頭盔我就留畀大家自己諗
因為重點唔只係佢哋到
至於係唔係鬼就留返最尾講
首先我想講作為一個KOL
L就係解leader
leader就注定係一個有影響力嘅角色
唔好同我講埋咩嘢無意要人跟隨/只係中立分析
自己個channel有幾多人睇自己係應該心裡有數
講完一件事自己有無立場或者自己本身有無立場正常人係心知肚明
再者
自己都無一個堅定嘅立場又點會有人認同呀
以前啲報紙社評好撚中立所以咪唔會有fan囉
所以有一群人支持往往就代表發表者有立場意見被認同
但如果自己又否認返係到死撐
只會為難啲Fans左兜右兜無限loop
但點解成日會有人明明係有立場都要帶頭盔話自己係中立/無意影響人
因為中華民族自古以嚟都係慣咗跟大佬做事
所以自然就想有個再世孔明出現
佢講咩嘢聽就啱做就係
所以KOL自己潛意識都set咗自己形象做再世孔明咁
佢想個個人都認同咁先証明自己講嘅嘢係無錯
而中立就係最無錯所以就成日扮中立嘢嘢最尾都戴個頭盔係到兜
但現實係一個人無可能咩都神機妙算算無遺漏
特別係政治
好多嘢只有立場沒有對錯
只係好多歷史英雄都係只記載佢威水史就令人有勁嘅人就係咩都啱嘅錯覺
你睇外國啲KOL
佢哋好多係唔怕人話佢哋有立場
好多重會主動認自己有立場
因為佢哋知道真正嘅自由社會咁樣係正常
所以其實唔洗咁怕有立場
你有立場唔係代表你係分化撚
你唔肯接受人哋立場先係分化撚
如果你有明確立場
咁同你唔同立場嘅人重去睇你然後係到屌鬼就係佢哋攞嚟殘
但成日想打中立客觀旗號
但又做唔到真係中立
咁咪變咗屎忽鬼囉
多人屌都係自然嘅事
但當然有立場同盲撐又係另一回事
但哩啲就後話啦
最後
我個人認為點確定係唔係鬼
就係睇一個人係關鍵時候會唔會做一啲違背自己平時立場嘅嘢
哩樣就留返畀大家觀察