鄧小強包抄戰術略談
鄧小強上任開始已有放棄布袋陣改為真・圍捕傾向
例子: POLY圍城、油尖旺營救行動、121尖沙咀
每次戰役走勢大同小異: 畀少少時間你地走，然後開始所有大街小巷都佈防，唔再留返條路畀你走，結果係留到最後既手足被圍困，甚至出現各種要爬牆走既情況 (琴日尖沙咀都有出現)
因此，如果精銳勇武有住「等後面走曬先走」既心態，係日後會有極高風險被一網打盡
建議對策
精銳勇武從一開始就唔跟大隊，反而係狗隻防線外圍STANDBY等待衝突發生，到包圍網完成時從外圍幫手足打開缺口
好處
1. 精銳勇武唔洗將力氣用係衝突之前既和理非活動
2. 精銳勇武被一網打盡機會減低 (包圍網外有路走)
3. 狗隻難預計偷襲
4. 增加被圍手足逃脫機會
5. 精銳勇武係外圍做野既空間更大可以發揮得更好 (唔需要擔心退路)
疑問
Q1 營救行動係外圍攻入去咪失敗過囉，仲做？
失敗過唔代表唔應該做，當日我地驚POLY入面既手足出唔返黎，今日我地一樣驚精銳勇武會係日後既包圍網入面出唔返黎，同時如果佢地可以係外面攻入去，即使機會好微，都有可能成功救返包圍網入面既手足之餘佢地走得甩
Q2 點解唔放其他手足係外圍而要放精銳勇武係外圍？
因為精銳勇武既實力最有可能成功係外圍打開缺口之餘，精銳勇武亦係珍貴戰力，絕對唔能夠因為被包圍而失去任何一個
結語
唔好以為圍城只會係大學呢種陣地發生，大學以外既地方更加危險，因為狗力一定足夠圍死任何一個地方，同時佢地唔會因為果到係大學而唔敢攻入去
所有地方都可以係POLY，而且所有地方都危險過POLY
利申: 唔係教精銳勇武做野，只係以近日觀察所得既結果提出建議，精銳勇武係珍貴戰力，要保住佢地之餘，都希望佢地可以發揮最大功用
，係第二個包圍網即將形成之前佢地會走得甩。
