背景:
事沿我當年(大約2009年尾-2010年頭)中七考完試後幾個月, 在馬會做part-time, 認識了當時一樣做part-time的同事J先生。他當時29歲, 起初他有女朋友, 識咗無耐他就和他女朋友分了手, 同我一起了。
大家只拍了兩三個月拖就分手。現在事隔多年, 我仲記得的相處經歷已經好模糊﹐但我好清楚記得的就是, 他是一個情緒落差大、脾氣差的人。而且人前人後係兩個樣。
一開始作為同事, 見到他在一大堆人面前是個開心果, 說話圓滑會搞氣氛。但當佢單獨對住我的時候, 就會開始展示出喜怒無常的一面。
我記得拍拖期間, 他經常會為D瑣碎事罵我, 大部份的我都不記得了, 最有印像是我有一次答應了接他放工(他打兩份工, 正職在油塘的圖書館作管理員),油塘圖書館離油塘地鐵站中間要走一段距離, 我到了油塘站時他已經收工了, 我打給他說自己還在地鐵站, 不如就在地鐵站等。
他在電話那邊大罵我, 話我好過份,有無搞錯 咁都算叫做接佢...之類之類的, 反正就係好不滿我無行到去圖書館門口。然後揚言他不會行過來地鐵站會合我, 因為圖書館門口都有小巴返屋企﹐他要自已坐小巴走。
我已經唔記得件事的結局係我去小巴站哄他, 還是自己返咗屋企。事實上, 我連他的中文全名都唔太記得,只係記得佢姓咩。
另外有一次係聖誕倒數(定除夕倒數?), 他約了他的朋友當晚一起大餐慶祝玩,預埋我一起去。我事前已告訴他, 當晚可以陪他直到倒數完, 之後我要去找我的朋友了。
當晚他帶我上到他朋友屋企後, 一屋都係我唔認識的人, 他幾乎無埋過我, 一路同朋友吹水,入咗廚房整嘢食, 坐在客廳食生蠔食咗成晚，而我唔食蠔(我當時細個唔識嘢, 唔知生蠔好食,只覺得滑潺潺好嘔心), 就坐在客廳靜靜地睇電視﹐仲記得當時播的係<破事兒>，幾好睇。
總之去到12點, 我望咗J先生幾次, 暗示佢我要走啦。佢又無啦啦扮傻, 然後我SEND MSG比佢話我要走，佢又扮傻，然後我行去餐枱度同佢講我要走(成張枱得返佢一個, 條友真係好似食最後一餐咁仲食緊蠔)。我緊持要走, 他就在一堆朋友面前維持好男人形象,話送我落去。一落到街就閪我面, 話大家一堆朋友玩得正高興,我話要走好掃興好無禮(WTF?)...之類之類的, 然後問我係咪睇唔起佢D朋友。你老味呀?! 我一早講咗我約咗朋友嫁啦!
以上就是我同J先生拍拖的情況, 我經常無故地被他指責我, 當時年紀小, 他又大我9歲, 加上J先生仲有一招大招, 就係病。他說自己先天心臟有事, 成日要食藥。心跳太快會呼吸唔到(定會死?唔記得啦), 總之佢一嬲, 就話自己個心有事, 我無論幾無奈都好, 只能夠收聲道歉。一次又一次﹐次次吵架都用自己個心有事來令我讓步。
只有小妹妹才會信佢, 依家的我已經是輕熟女, 諗返轉頭起都係得啖笑。
樓主按:朋友冇連登Acc, 想知再講
